تعليق وتصويت وشكراً
~~~~~~~~~~~~~~~~~
قيد : لازم نرسم خطة مُحكمة لأن اذا لكفوا دُجى عندها تلفون ممكن يصير الاسوأ فلازم نستعجل
هيثم : يعني مثل شنو الاسوأ
قيد : اقلها الاغتصاب
: لك هيثم مو كلنالك بناتك كبروا زوجهم وافتك لا تصير مسؤولية براسك بس أنت لا معاند صاير الاب الحنون شوف طلعاتهم وطباتهم شسوت بيهم ارتاحيت يلمتفهم؟؟
نبط واحد من يمة ماعرفه بس الواضح انه واحد من اقارب هيثم تنهدت بعدما جنت صاك سنوني بقوة كثر ما اهان العرمة كدامي...شديت على قبضة أيدي و صحت بيه
قيد : اولاً حجاية ثانية امطلك واخلي رجلي بحلكك واشكه ثانيا انت منو اصلا؟
: شنو شايفني زعطوط وتشك حلكي مثلا؟...ثانيا انا خالها للبنية ولو ما اتشرف بعد
قيد : ديلا انگلع چا اذا ما تتشرف
رفعت تلفوني و اتصلت على القوات الي ارسلهم الرئيس علمودي لازم نشتغل بكل سرية تامة...شويه واشرت للموجودين علمود يطلعون...لأن ماكدر اكول شي كدامهم لأن أوامر عسكرية
خلصت المكالمة وي القوات و انتظرت فد 30د دخلوا وبدأنا نخطط بخطة و الكل كان متجاهل الكلام الي ماله دخل بالسالفة
: صكر خلي نجفت عليهم جفته وحده علمود لا يلحكون يستوعبون
قيد : هنا رح تصير مخاطر بالسالفة يعني انتحاريين لازم ندز عميل سري او عميلة سرية
²: انا مستعدة اكون عميلة سرية
صاحت بصوت واضح ووكفت على حيلها وبدأت تكتب ملاحظات على اللوح الذكي مالتها
قيد : انجبي هوى لعب جهال وتنزرعين جاسوسة مثلا؟
نترت بيها بقوة لأن واضح إن فيوزاتها طگت... هاذي البنية متدربة جديدة اجت للقاعدة وجان وجودها جدا مهم علمود تتعامل مع النساء او لحالات خاصة
²: هه شنو خايف عليه حضرة السيد صكر؟
ابتسمت وهيه تتجه ناحيتي ولما صارت كدامي كربت وخلت ايدها على سترتي و كالت
2: لا تخاف مايصيرلي شي ارجعلك بسرعة
قيد : شكد مقززة انتي؟
: صكر خليها تروح ماعليها شي اذا وياها سلاح و جهاز تتبع لا تخاف ترجع بسرعة
قيد : مخابيل انتوا؟...هاذي عميلة جديدة لربما يصير بيها اي شي بسبب معلوماتها الجديدة والي ما تتجاوز ربع ذرة من معلوماتنا!!!!
²: لا تخاف صح جديدة بس تعلمت بسرعة
: صكر معليك مايصير شي
هزيت راسي بتعب من عنادهم و قبلت و جان وقت تنفيذ العملية هو الليلة لازم نستعجل قبل لا يصير للعرمة شي...احم وللبنات الي وياها
STAI LEGGENDO
قيد الدُجى
Mistero / Thrillerتركض بأرجاء المركز و تتلفت يمين ويسار داعية إن الي اجت علموده ماصار له شي لكن الي خوفها اكثر عدم وجود مبتغاها ، بجت بقوة ودموعها ملأت خدودها وقررت تسأل أحد وتستنجد بيه لعل وعسى يفيدها لكن لسوء الحظ خانها التعبير : وين اخذتوا اخووي رجعوووه حرام عليك...
