هيلوووو طبعاً نحن حالياً بالمشاية ومقدر
اكتب بارتات طوال لهذا اعذروني
لاتنسون التصويت و التعليق بين الفقرات وشكراً💕✨.
~~~~~~~~~~~~~~~~~~~~~~~~~~~
دُجى : وين انا ليش جبتوني هنا؟؟؟؟
: هشش سكني صدعتي راسنا نريد ننام
دُجى : شدتحجين شلون تنامين وانتي بهذا الوضع؟
: سكتوها بالله
"Duja pov"
اجيت داكول شغلة بس انلصمت بس سمعت باب الغرفة ينفتح و كلبي يضل يدك سريع خايفة و غمضت عيوني قوي ماريد اشوف اخاف اذا شفتهم ما يخلوني اطلع بعدد
: افتحي هالعيون ياحلوة خليني اتأمل جمالها
دُجى : ماريد
: هششش افتحي عيونج لا اسويلج الاسوأ
فتحت عيوني وباوعت اله شاب طووويل و اسمراني و لحيته خفيفة وعيونه عسلية فاتح و اكدر اكول عنه جميل بس رغم هالمواصفات مبين يحمل الاسوأ
: اوووفف يجمالهن
لزمني من وجهي وضل يباوع بملامحي مطول خفت وكلبي ضل يوجعني واضح مراح يعوفني بسهولة
ضليت ابجي بهدوء عيوني تصب دموع غصباً عني
: هشش ليش تبجين ياحلوة مانسويلج شي
دُجى : لعد ليش مداتعوفوني
: الله وبعد لعد هواي عليه هالجمال وهاللهجة
دُجى : حباب خليني اروح ممسوية شي
: شلون اعوف هيج جمال
لزم وجهي بعد اقوى وكرب وجهه عليه وعيونه تباوع لمكان واحد وهو شفايفي...غمضت عيوني وزميت شفايفي قوي علمود لا يقترب منهم
2: هيووو عوفها ولك هاي للزعيم ولو يعرف ماد ايدك عليها يكسرها الك
لما سمعنا هالصوت الي جان جاي من ناحية الباب وكف الولد على حيله و راح ناحية الرجال الجبير والولد ما انتظر لزم الرجال من قميصة وكاله
: انجب منو كالك للزعيم؟
²: نوف بس شافها كال للزعيم و اي واحد يمد ايده عليها لو يحاول يأذيها رح يكون عقابة الموت
اطمئن كلبي شويه لأن ما يكدر يسويلي شي بس خفت بالزايد من الزعيم مالتهم ماعرف كلبي ممرتاح شويه واجه عليه نفس الولد وكال
: شنو اسمج
سكتت ماريد اكوله اسمي لأن واضح ما وراه خير التفيت عنه و انطيت وجهي للصفحة الثانية وما باوعت اله وهو ما سوى شي بس ضحك
YOU ARE READING
قيد الدُجى
Mystery / Thrillerتركض بأرجاء المركز و تتلفت يمين ويسار داعية إن الي اجت علموده ماصار له شي لكن الي خوفها اكثر عدم وجود مبتغاها ، بجت بقوة ودموعها ملأت خدودها وقررت تسأل أحد وتستنجد بيه لعل وعسى يفيدها لكن لسوء الحظ خانها التعبير : وين اخذتوا اخووي رجعوووه حرام عليك...
