Pov Adam
القصه من وجهة نظر ادم
كنت اول واحد يصحى فينا و فضلت اراقب نوم ريان في صمت دموعه اللى بتنزل حتى و هو نايم و من وقت للتاني بيتنفس بصعوبه كأن حد بيحاول يخنقه اخد ايده عشان اطمن على الجرح اللى فيها بس اكتشفت ان جرح ايده خف و مش مفتوح زى ما كنت فاكر
بس ازاى جرح ايده خف ؟ اومال الدم اللى كان فى حمام السباحه جه منين؟
فضلت ادور فى على اى جرح مفتوح فى ايده بس مالقتش غير جروح قديمه و جروح علي معصم ايده شكلها مش قديم بس ماكنتش كبيره لدرجة انها تخرج كل كمية الدم اللى كانت هناك
و للحظه بدات اشك ان ريان قتل حد و الدم اللى كان عليه و هناك مش بتاعه
لكن لما شوفت ريان بيتوجع فى نومه فى كل مره بيحاول ينام على ضهره فيها عرفت اني غلطان و رفعت هدومه براحه عشان اتفادي انه يصحي و يجري مني و لقيت ضهره عبارة عن لاصقات طبيه و شاش مخبي جروح و حروق كمان كلها كانت مفتوحه عشان كده الدكتور كتب ادويه و مراهم للحروق و مطهر للجروح كمان ريان رفض يخلينى اشوف جسمه و خبي الادويه مني بعد ما اشترتها عشان مش عايزنى اعرف بس ليه بيخبي عنى حاجه زى دى ؟
حسيت بوجع فى قلبي من المنظر اللى شوفته
ضهر ريان كان كله جروح و علامات و اثار ضرب و حرق ازاى حد يقدر يستحمل كل ده كده
ديما كنت شايف ريان ضعيف و جبان بس دلوقتى انا مش مصدق انه استحمل كل اللي حصل له و قدر يفضل بالهدوء ده
انا عارف انى السبب فى اللي حصل له و ان ماليش الحق انى اعاقب المسؤول عن الحاله اللى فيها ريان بس وعد منى مجرد ما يخلص عقابك عمرى ما هسيب حد يمس شعره منك
بس خليك معايا
خبيت ضهره تانى و غطيته كويس و سبت السرير لريان
و روحت لمكتب مدام كارمين و دخلت بس قبل ما اتكلم هى قالت
"مش فى باب المفروض تخبط عليه قبل ما تدخل " تجاهلت كلامها و قولت
" انا هاخد ريان بعيد عن القصر "
" بس ده مش اتفاقنا !؟"
اتعصب من ردها و قولت
"و ماكنش اتفقنا ان تعملى كده فيه ، ريان كان يموت انتى قولتى انك مش هتلمسي شعره منه طول ما هو هنا و هتسيبي عقابه ليا "
مدام كارمين سابت الورق اللى كان فى ايديها و قالت
"انت بتقول ايه؟ ... انا مجتش ناحيته ولا..حتي ....؟ "بس سكتت فى نص الكلام لما اكتشفت ان لو مش هي اللى هتعاقبه يبقا بنتها
" هانه " لما قولت كده مدام كارمين بصت بعيد عني اخد نفس و قولت " مش هينفع يفضل هنا حالته ماتسمحش انه يتحمل اكتر من كده انا هاخده عندى لحد ما يخلص حامله"
مدام كارمين وقفت و قالت بنبرة تهديد "و مين قالك انى هوافق على ده ؟"
ضحكت و قولت "صدقينى لمصلحتك انك توافقى قبل ما تشوفي هانه محبوسه بسبب اللى عملته فيه و ساعتها كلنا هنتحاسب "
أنت تقرأ
Alone With Him / وحيد معه
Romancemature self-harm psycho blue sad +18 alpha and omega ⚠️🔞 ادم ٢٦ سنه باريستا مع ماضي صعب يتنسي و مشاكل نفسيه و ديون لا نهائيه بيقابل ولد مجهول الهويه قصه باللهجة المصريه WARNING! rhis story contains, cannibalism, murder, slaughter, mature contents...
