Alone With Him / وحيد معه

cp 7

ديما كنت فاكر اني هفضل اصحي طول حياتي في اوضه فاضيه وحيد و مفيش حد جمبي و بصراحه مكنتش مهتم ان حد يبقا جمبي
بس من ساعة ما قابلته و كل حاجه اتغيرت اه صحيت فى اوضه فاضيه مفيش فيها عفش بس هو كان موجود نايم في حضني و ماسك فيا جامد كأنه خايف اهرب منه فضلت تايه فى جماله فتره مش قليله و نسيت كل حاجه حواليا لحد ما بدا يسيب احلامه عشان يصحي على واقع هو مش فاكره و جمب شخص مالهوش معاه ذكريات قرارت امثل دور النايم عشان اعرف ايه هيكون رد فعله

لما فتح عنيه بدأ يبص فى وشي كأنه بيحاول يفتكر لينا اي ذكريات ولما فشل بدأ يضرب دماغه عشان تشتغل

حاولت بكل قوايا اني امسك ضحكتي الخاينه اللي رفضت 
تتكتم و تفضل معايا و خرجت على شكل ضحكت رقصات

و ده طبعا لفت انتباهه و خلاه يبصلي باستغراب و اخير سابتني ضحكتي الخاينه و قدرت اهدا بصتله و قولتله" تحب اجيب حاجه اتقل اضربك بيها على دماغك يمكن تشتغل "
هز راسه ب" لا" طبعا مأخدهاش على سبيل الهزار من تعبير وشه قدرت استوعب انه مأخدش كلامي على سبيل الهزار و ده خلاني اوضح اكتر عشان مايخفش مني "بهزر كمان الخبط على الدماغ مش هتخليك تفتكر بس هيجبلك صداع " و قربت منه و حطيت شفايفي على راسه و سبت بوسه عشان اطمنه و عشان اهدا بس للأسف حصل العكس معايا قومت و عملت نفسي بجهز عشان الشغل حالته ماكنتش احسن مني كان وشه كله احمر

اول مره ابوس حد واحس ان قلبي بيدق كأن في حفله جوه شراره بدات تجري فى جسمي كله

حاولت اغير الموضوع بسرعه و اتكلم في اي حاجه تانيه
" انهارده انت هتيجي معايا "
و بصيت عليه عشان الاقيه مستخبي تحت البطانيه بعدها طلع
و قال" مش انا المفروض ماخرجش بره البيت " 

رديت "قال يعني انت بتسمع الكلام و بتعمل بيه "
بص فى الارض
كملت كلامي " ماتقلقش محدش هيعرفك هنروح الاول الماركت بعدها المستشفى عشان نشوف حل فى رجلك و نقطعهالك لو لقينا انا مفيش امل تمشي عليها "

اخد رجله في حضنه و بصلي كأنه بيقولى بتاعتي محدش هيقطعها
قربت عليه و رفعته و حطيته على الكرسي بتاعه و بدأت البسه هدومه بعدها جهزت الادويه بتاعته و بعد ما اخدها حطيت البطانيه عى رجله عشان اضمن انه هيبقا مدفي
بعدها خرجنا و فى الطريق لهناك بدأ يسألنى