Alone With Him / وحيد معه

cp 16

Pov : Adam

القصه من وجهة نظر ادم

لما جيت اخرج من الاوضه لقيت مدام كارمين او المفروض اقولها ماما دخلت جوه و قعدت على السرير و قالت

"ادم انت عارف انا قد ايه بحبك مش كده "
هزيت راسي بموافقه كملت و قالت
"و عارف قد ايه انا كنت بحب اخت هانه "
" عارف"
"طب و لو قولتلك ان كريم كان السبب فى موتها هتجيب حقها؟"
فضلت ساكت بحاول استوعب هي بتقول ايه بعدها قولت
"ايه علاقة كريم بموت مى؟"
"اسمه مش كريم اسمه ريان " و حطت ورق قدامى بطاقه تثبت كلامها و غيره من الورق و الصور اللى خلتنى افتكر مين ريان بالظبط " ريان قاسم جمال اظن انت فاكر الاسم ده و لو فاكر انى هسمحلك تحبه او حتى تعامله كويس بعد اللى عمله هو و ابوه تبقا غلطان "

كنت واقف مكانى و مش مصدق اللى بسمعه و مش عايز اصدقه قلبي كان بيوجعنى كريم ماينفعش يبقا ريان انا مش عايزه ريان نزلت على الارض قدامها و قولت " انا اسف انا ماكنتش اعرف هو مين هو كمان فقد الذاكرة و مش فاكر حاجه حتى اسمه "

"اكيد بيمثل عليك و هو فاكر كل حاجه انا مش هسامحه يا ادم ابدا "

و لما افتكرت ريان كان مين و عمل ايه قولت "ولا انا هسامحه"

"كنت عارف انك هتفضل ابنى الوحيد اللى اقدر اثق فيه " بعدها خرجت من الاوضه و سابتني تايه فى أفكاري و بحاول استوعب اللى سمعته و افكر هعمل ايه لازم الاقي كريم

》《》《》《》《》《》《》《》《》《》《》《

نزلت تحت و بدأت ادور على كريم فى المطبخ و حمام الخدم حتى الاوض بتاعة الخدم بس ماكنش موجود ولا حتي الخدم كانوا موجودين لقيت مدام سحر خارجه من اوضه انا عمري مأخد بالى منها و روحت عندها و قولت " مدام سحر فين كريم ؟ "

فضلت ساكته شويه بعدها قالت "لو تقصد الخدام الجديد تعبان لو عايز حاجه تقدر تقولى "

بس كريم مش خدام ليه بتقول عليه كده ؟ "كريم مش من الخدم "
"طالما بيعمل كل اشغالهم يبقا منهم و مدام كارمين قالت انه منهم "
سكت شويه بعدها قولت "فين كريم"

"بكره تقدر تشوفه سيبه يرتاح "

مقدرتش اعمل كده كان لازم اشوفه بعدها عن باب الاوضه اللى وراها و فتحته و شوفت حالة الاوضه عامله ازاى و كريم كان نايم جوه الاوضه دى و لسه لابس الفستان قربت منه و شوفت المحلول متركب فى ايده قعد جمبه و مسكت ايده كانت بارده كأني ماسك ايد جثه و كان فى دموع بتنزل من عينه

مدام سحر دخلت و قالت "ليه جبته هنا و عملت فيه كده؟ كريم كان عنده نزيف و كان ممكن يتسبب فى موته هو حتي مش فاكر امتي اخر مره اكل فيها ده غير المعامله اللى بيستحملها من كل اللى فى البيت مش هو السبب فى اللى حصل ابعده يا ادم عن هنا قبل ما تندم "