Alone With Him / وحيد معه

cp 4

اضاءه عاليه مع جو بارد و ارضيه قاسيه كانت السبب فى اني اقرار استغني عن احلامي اول حاجه عنيا جت عليها كانت الامير النائم بسلام على الرغم من الظروق القاسيه اللي نايم فيها لمست إيده و كانت بارده و ده خلاني اقلق بدأت اضمه ليا عشان ادفيه بس مفيش فايده جسمه كان بيترعش كان نفسي اخده معايا لمكان نقل الطوب لأني خايف يتحول لجثه و يموت لوحده فى البرد بس للأسف هلفت الانظار لينا قرارت ارجعه مكانه تاني فى الزاويه

و بعد يوم شاق مقابل اشباه بالمال بدأت ادور فى الانحاء على شغل جانبي و فعلا لقيت ماركت صغير محتاج منظم ارفوف و مواعيد العمل من ٧ ل ٤ و راتب مش كتير بس مريح نسبيا

بعدها قرارت استغني عن كل اموالى عشان مياه و ولاعه و بطانيه مكلفه و رجعت البيت عشان الاقي الباب مفتوح و فى صوت من جوه صوت كلاب جريت بدون تفكر على البيت

رميت كل حاجه كانت في ايدي على الباب و دخلت ادور على الامير عشان الاقيه فى الزاويه بيعيط بحرقه و فى كلب قريب منه بس ماعتقدش انه مؤذي لكن هو كان خايف و بيحاول يدخل جوه الحيط
بعد الكلب بعصايه و فعلا بعد و خرج بره البيت
بدات اقرب منه و واضح انه مش مستوعب ان في حد معاه
بصوت هادي قرارت أبدا كلام " انت كويس ؟"
اترعش و بصلي و بدأ يمسح دموعه بعنف بهدومه لكن مابطلتش تنزل دموع

قرارت احاول اعرف منه هو فاكر انا مين او لا قبل ما ادخله فى اي حوار" انت فاكرني "
هز راسه ب لا و حاول يكتم دموعه قربت منه و بدات احضنه على الرغم من رفضه ده

بدات اتكلم "ماتخفش انا معاك معنديش اي نيه أذيك او اسمح لحد يأذيك "
رد عليا بوصلت عياط استمرت لساعه متكامله خلتنى عايز افتح الباب و ارميه للكلاب عشان اتخلص من صوته

اخيرا هدي شويه قطعنا صوت بطنه بتصوت عشان تلاقي اكل بص فى الارض بخدود حمره من الكسوف
ابتسمتله و قولت " يلا ناكل قبل ما تبدأ تنهش فى لحمي تحب تأكل كلب مشوي " هز راسه ب لا مع دموع بتنزل بلا نهايه واضح انه صدق اني هطبخ كلب ساذج بس فكرة الكلب المطبوخ مش وحشه بردو

قمت جبت الحاجه المركونه عند الباب و هو كان بيراقبني بصمت

طلعت البطانيه و بدات اخبيه فيها زي الاطفال بالظبط كمان ولعت نار مش بعيده عننا عشان تدفينا و نطبخ عليها و فى طبق الادويه بدات اعمل رز مع خضار بدون ملح او بهارات لأني نسيت اجيب بصيت عليه من فتره للتانيه عشان الاقيه سرحان في النار و بيحفر فى شريانه بضوافره لحد ما وصلت لانها تنزف قربت عليه براحه و رفعت ايده و مسكته الطبق اخد الطبق و قبل ما اتكلم عن المعلقه كان رفع الطبق لشفايفه و بدأ ياكل بأيده كأنه اول مره يشوف اكل

و على الرغم من انى كنت فاكره جعان لدرجة اني كنت شاكك في انه هياكل الطبق و الاكل اللى فيه
بس للأسف هو اكل كمية صغيره خالص ممكن بسبب طعم الاكل

و رفض اجبره على الاكل و بدات اطلع الادويه و اركب المحلول في ايده و هو بيراقب فى صمت حطيت الحبوب في ايده فضل ماسكها و باصص عليها لحد ما يأست منه و اخدها و دخلتها فى بؤه بطريقه مش لطيفه و اتسببت فى ان دموعه تنزل تانى تجاهلت ده و و بدات اجهز البطانيه لينا بعدها نمت جمبه هو كان بيراقب بصمت و دهشه لسبب مجهول

بعدها قال بصوت واطي " هو انت هتنام هنا "
رديت " انت شايف ايه "
سكت شويه بعدها قال " و انا هنام فين "
ضحكت و قومت قعد و بصتله " انت بقالك يومين كنت بتمثل انك تعبان عشان تنام في حضني مكسوف دلوقتي" كان لازم اقوله كده عشان يقتنع و نام انهارده

خبا وشه مني يأيده و كان هيبدأ وصلت عياط تاني

قرارت اني اسهل الخيار عليه اكتر " الجو برد تعالى نام جمبي مفيش مكان تاني " واخده من ايده و نيمته و حضنته من ضهره و واضح ان ده ساعد فعلا في انه يدفي لان خدوده ودانه حتي جسمه بقا دافي

بعدها سمعته بيقول بصوت هادي " انا مش فاكر اسمي "
و ده خلاني افتح عنيه تاني و مليون فكره فضلت تعوم في دماغي و اخد وقت طويل لحد ما قولتله بكره هنبقا نتكلم حاول تنام و فعلا كان نام قبل ما يسمع ردي

و استسلمت للنوم و الدفي مره تانيه و لسبب ما كنت مبسوط و حاسس اني محظوظ
_________________________________________
كام من عشره تاخد القصه حتي الان ♥️♥️♥️
دي اول قصه ليا و حقيقي هيفرق معايا تفاعلكم ♥️🥰
اتمني تكوت عجبتكم
و ياريت يبقا في تفاعل بدل ما اقتلهم كلهم الفصل الجي 🙂🙂🙂🙂