Alone With Him / وحيد معه

cp 3

و بعد ٤ ساعات وصلنا لمكان هادي الشمس كانت فى وقت الشروق لكن مازل الجو برد قرارت انى اروح مكان محدش يقدر يوصلى فيه و ده كان مكان قريب من المدافن و بعيد عن الاحياء

قرارت انى انزل من التاكسي بعيد عن المكان بمسافه عشان اضمن ان سواق التاكسي كمان حتى لو حاول يجي هنا مش هيعرف يوصلى و فعلا عملت كده اخد الامير النائم على ضهرى و بدات امشي بيه لحد ما وصلنا

بيت مهجور متهالك عباره عن دورين فاضيين تماما دخلنا المكان اللى كان مؤلوف ليا و بدات ادور على مكان للمجنون لحد ما لقيت زاويه مناسبه و سبته يكمل موت فيها و بدات افكر ازاى هرجع بيتى او شغلى بعد اللى حصل اكيد مستنين رجوعي عشان يخلصو عليا
شيلت فكرة الرجوع للبيت و بدات افكر ازاى أبدا من اول و جديد من غير ما حد يوصلى و فى الحظه دي هجم عليا النوم

صحيت من كابوس باصوت اهلى واضح انهم رافضين يودعونى بعد موتهم كمان المسافه بينى و بينهم مش بعيده ممكن كانت مجرد زياره بصيت جمبي عشان الاقي المجنون مازال ميت بهدوء حطيت ايدى فوق بؤه عشان اتأكد انى ماكنتش نايم جمب جثه و انه ممكن يقرار يصحي تانى و فعلا لقيته بيبعت امل

اخده بره البيت و روحت عند شلال قريب من البيت و بدات اخد هدومي من عليه عشان اشوف جروحه و احاول اخلى حالتها تتحسن كمان قلعت هدومي عشان اتفادى انى اقعد بهدوم مبلوله فى جو ابرد من الحروب البارده

جروحه ماكنتش بسيطه وجسمه الصغير كان بيترعش و واضح ان في كسور حاولت افحصه اكتر عشان اعرف هل ضرورى انى ارميه قدام مستشفى و اجرى ولا اسيبه معايا على امل انه يتحسن
كان فى كسر فى رجله و كتفه الشمال اشك انى السبب فيه و واضح انه بيتنفس بصعوبه و كدامات فى كل انحاء جسمه و اثار تعذيب بحزام او عصايه على ضهره و رجله ده غير رقبته الشبه مجرده من الجلد و لونها بنفسجي غامق و ده بسبب حبل او سلسلة كلب

و بعد ساعه او اتنين من اصلاح الدميه المدمرة بأستخدم الفستان المهلوك و المياه للتنضيف ظهر ملاك كحيان و هزيل بجسم شاهب الون او شعر اسود ناعم و على الرغم من الكدملات و الجروح اللى حاولت تخفي جماله بكل قسوه الا انها فشلت فى ده بدات اخبي جسمه بالهدوم تانى لان كان باين عليه علامات البرد

و اخده للزاويه و بدات ادور على اي حاجه تكون ارحم من الارض القاسيه على الشاب و فعلا لقيت قش و عملتله شئ اشبه بالسرير او عشة فراخ عشان اكون صريح رميته هناك و خرجت

اخد جاكوزي فى البحيره الساقعه عرفت دلوقتي ليه كان بيترعش في ايدي بعدها اطمنت على جرحي و كان سطحي و مفيش نزيف بعدها سمعت صوت ناس لبست هدومي و بدات اروح بأتجهم

عند مبني تحت الإنشاء و هما بينقلو طوب و اسمنت و فعلا لقيت نقل الطوب و الأسمنت الاختيار المتاح للاكل انهارده و بعد يوم شاق فى النقل قدرت اجمع مقابل النقل و قرارت اعمل شوبينج
بدات اشتري الاساسيات الرز  الخضار و عرفت مكان صيداليه و قرارت اني اخد الشاب ليها لو رجعت لقيته لسه ميت و فعلا  البيت كان هادي و ده اكدلى انه لسه ماقرارش يرجع معانا و خفت من انه ممكن ممكن عمره ما يرجع معانا لما لقيت حرارته عاليه بدون تفكر رفعته بين ايديا و اخده للصيداليه و بدأ يكشف على أنحاء جسمه و يبصله بشفقه

بعدها بصلي و قالى " لازم توديه مستشفى حالته صعبه ممكن يموت فى اي لحظه "
بدات اقلق اكتر و قولتله " قولى اعمل ايه " نصحني بأقرب مستشفي و فعلا روحت هناك و اخدوه مني اكتر من ٣ او ٤ ساعات في اوضه قعد افكر في الهروب من مصاريف المستشفى و المسؤليه لكن مقدرتش لسبب انا معرفتش الاقيه

و اخيرا خرج من الاوضه نايم علي سرير متحرك برافو ٤ ساعات و دكتورين عشان يخرج نايم بردو رجله كانت ملفوفه في جبس وايده و رقبته ملفوفه بشاش ولاصقات فى كل أنحاء جسمه
وقف قدامي الدكتور و بصوت متكبر " ايه صلة القرابه بينك و بينه "
رديت بكل ثقه "الديون اللى علينا "
بصلي باستغراب و اخد نفس بعدها قال " كان ممكن يموت كويس انك جبته و ماتقلقش من مصارف المستشفى انا هساعدك فيها ممكن تيجي مكتبي عشان نتكلم عن حالة المريض "
هزيت راسي بموافقه و دخلت هناك و قعد و مستني يقولى حاجه  تديني امل اني ماشيلتش و حافظت على جثه طول الوقت
اخد نفس و قال "كسر رجله هيتعالج محتاج راحه و واضح ان عنده رئه واحده و دي بعيده عن الكسر اللى فصدره ممكن تأثر على التنفس عنده كمان فى جروح ممكن تكون اثرت على دماغه و ده ممكن يسبب مشاكل فى الذاكره او ممكن ساكته دماغبه و بالتالى هكتبلك شوية ادويه ضروري ياخدها فى مواعدها هيفوق قريب يمكن انهارده او بكره حاول تجيبه تاني للفحص الاسبوع الجي كمان مش محتاج اقولك انه بلا ادني شك هيبقا عنده مشاكل نفسيه "

"شكرا على الأقل هيفوق بس انت ليه هتساعدني فى المصاريف ؟"
"مش مستعد اشوف حد بيموت و انا فى ايدي اني اساعده "
بصتله باستغراب و شك 
ضحك على نظرتي و قال "صوابعك مش زي بعضها و الناس بردو مش كلهم وحشين"
مقتنعتش بكلامه فغيرت الموضوع " ينفع اروح بيه "
" اكيد يخلص المحلول ده و تقدر تجيبلى التاني فى البيت "
هزيت راسي بموافقه
و خرجت و روحت على الاوضه اللى نقلو فيها الشخص اللى فضل معايا لمدة ٤ ايام و احتفل معايا بعيد ميلادي و ماعرفش حتي اسمه او سنه كل اللى اعرفه انه محتاج حد جمبه
ليه انا وفقت ابقا الشخص ده معنديش فكره ممكن عشان انا اللى طلعته من فتحة التهويه و بسببي بقا فى الحاله دي

رفعته من السرير وزنه تقل بسبب الجبس بس ماوصلش لانه يبقا متعب اني اشيله و فى طريقي للهروب قبل ما حد يسألنى عن اى مصارف او بطاقه او بيانات و شوفت الدكتور بيشاوري استني بدات اتوتر كل ما يقرب لحد ما وصل و معاه شنطه فيها ادويه و محلول كمان كرسي متهالك بعجل
بصلته و قولتله " متأكد ان هو ده بس السبب لانك تساعدني "
بصلى و ضحك و قالى " حاول تصدق ان لسه فى خير "
تجاهلت كلامه و حطيت الولد عليه و بدات ابعد عن المستشفى لحد ما وصلت البيت و حطيته على سريره و علقت المحاليل للولد و بدات ادوب الادويه في مياه و اشربه
قرارت اقفل اليوم على كده بدون اكل لحد فينا و انام جمب الشاب على امل اني ادفيه من البرد
_________________________________________
Please vote and comment if you want me to continue writing
لو عجبتك القصه ماتنساش تحط كومنت و نجمه و تعمل متابعه عشان يوصلك كل جديد