စစ်ဘက်ဆိုင်ရာတိုင်ပင်ခံ မျိုးဆက်များ

Chapter 9.8/9.9

ပင်မတဲစခန်းထဲတွင် ကုယွင်က ပင်မထိုင်ခုံပေါ်တွင် ထိုင်နေပြီး ကျန်လူ ၃ ယောက်က သူမကို ဝိုင်းရံနေကာ သူမ၏အမိန့်ကို နာခံနေသကဲ့သို့ ဖြစ်နေသည်။ သို့သော် စုလင်းနှင့် မူရိတို့ကမူ လစ်လျူရှုခံထားရသည်။ မူရိက ပြုံးနေပြီး "စုလင်း၊ ငါ မင်းကို ပြောမယ်။ ဒီမှာ မင်းအတွက် ဘာမှ လုပ်စရာ မရှိဘူးလို့ ငါ ထင်တယ်၊ ငါတို့ နေရာမှားနေတာလား?? ဒါက စုမိသားစုစစ်တပ်ရဲ့စခန်းမှ ဟုတ်ရဲ့လား?? စုမိသားစုရဲ့သခင်က ဘယ်သူလဲ??"

ထိုစကားများကို နားထောင်ကြည့်လျှင် သူက စုလင်းအတွက် သူ ခံပြင်းနေပုံရပေမယ့် သူ့လေသံကို ဂရုတစိုက် နားထောင်ကြည့်ရင် စုလင်း ဒုက္ခရောက်နေတာကို ကြည်နူးနေတာ သေချာနေသည်။

ထိုအချိန်မှ စုရန်က နောက်ကို ပြန်လှည့်ကြီးလိုက်ပြီး စုလင်း၏နက်မှောင်နေသော မျက်လုံးများကို ရင်ဆိုင်လိုက်ရမှ သူ့အစ်ကိုကြီးက သူ့နောက်တွင် ရပ်နေပြီး ခပ်ထေ့ထေ့ပြုံးနေသေးသည်ကို သူ သတိပြုမိသွားခဲ့သည်။ စုရန်က လန့်သွားပြီး အမြန်ရှင်းပြလိုက်သည်။ "အိုး...တာ့ကော၊ သူပုန်တွေက ဒီည စခန်းကို ဝင်စီးဖို့ ကြိုးစားပြီး ရိက္ခာတွေနဲ့ မြက်ခြောက်တွေကို မီးရှို့ခဲ့တယ်။ ဟန်ရှုက သူခိုးတွေနောက်ကို လိုက်သွားပေမယ့် တောထဲမှာ ရန်သူရဲ့ခြုံခိုတိုက်ခိုက်မှုနဲ့ ရင်ဆိုင်ခဲ့ရတယ်။ သူ ရှုံးနိမ်သွားတာကြောင့် သူ့ကို ဖမ်းသွားပြီး တာ့ကောကို အဲဒီနေရာကို လူကိုယ်တိုင် လာခိုင်းတယ်။ သုံးရက်နေလို့မှ ကျီးပါးစပ်တောင်ကြားကို မသွားဘူးဆိုရင် ဟန်ရှုက အသတ်ခံရလိမ့်မယ်။ မရီးကလည်း အခုနပဲ တောထဲကို လိုက်ဝင်သွားပြီး သူပုန်တွေနဲ့ တိုက်ခိုက်ခဲ့တယ်။ ကျွန်တော်တို့က သူပုန်တွေနဲ့ ထိပ်တိုက်ရင်ဆိုင်ပြီး ဟန်ရှုကို ဘယ်လိုကယ်တင်ရမလဲဆိုတာ ဆွေးနွေးနေတာပါ"

ဟန်ရှုကို သူခိုးတွေ ဖမ်းသွားတာလား?! ထိုသတင်းကို ကြားလိုက်ချိန်တွင် စုလင်း၏မျက်လုံးများက အေးစက်သည်ထက် အေးစက်သွားခဲ့သည်။ သူတို့က သူပုန်တွေ ဖြစ်ပြီး ဘယ်လောက်တောင် မောက်မာ ရိုင်းဆိုင်းရတာလဲ?? သူ့ကို ခြိမ်းခြောက်ဖို့ သူ့လက်အောက်ငယ်သားကို ဖမ်းရဲတဲ့သတ္တိတောင် ရှိနေတယ်ပေါ့!