ကုယွင်က ခဏလောက် စဉ်းစားနေပြီးမှ "သူတို့က ကျီးပါးစပ်တောင်ကြားကို ရွေးလိုက်တယ်ဆိုတော့ အကြောင်းပြချက် နှစ်ခုရှိမယ် ထင်တယ်။ တစ်ခုက သူခိုးတွေရဲ့ အသိုက်က ကျီးပါးစပ်တောင်ကြားနားမှာ ဖြစ်နိုင်တယ်၊ ဒုတိယအကြောင်းရင်းက ဖြစ်နိုင်ခြေအရှိဆုံး အကြောင်းပြချက်ပဲ၊ ကျွန်မ ထင်တာကတော့ ကျီးပါးစပ်တောင်ကြားရဲ့ ချိုင့်ဝှမ်းမြေပြင်အနေအထားက သူတို့အတွက် အရမ်း အဆင်ပြေတဲ့နေရာ ဖြစ်နေတယ်။ အဲ့တာကြောင့် သူတို့က အဲ့နေရာကို ရွေးချယ်တာ ဖြစ်နိုင်တယ်၊ သူတို့က စုလင်းကို တစ်ယောက်တည်းလာခိုင်းပြီး ချိုင့်နှစ်ဘက်စလုံးကနေ ပိတ်ဆို့မယ်လို့ ကျွန်မ ထင်တယ်"
သူမ၏သုံးသပ်ချက်ကို နားထောင်ပြီးနောက် စုရန်နှင့် လက်ထောက်ယုတို့ကလည်း သူမနားကို ရောက်လာကြသည်။ သူတို့လေးယောက်က အတူတူ ထိုင်နေကြရင်း လက်ထောက်ယုက "သခင်မ လေ့ကျင့်ပေးထားတဲ့ တပ်သားသစ်တွေက တောင်တက်စွမ်းရည် တော်တော်ကောင်းတာကို ကျွန်တော်မျိုး မှတ်မိတယ်၊ ကျွန်တော်တို့ဘက်က လက်ဦးမှုယူပြီး ချောက်ကမ်းပါးအောက်ခြေကနေ တက်သွားပြီး သူတို့ကို ဖမ်းမလား??"
ကုယွင်က ခေါင်းခါပြလိုက်ပြီး "အခုက နွေရာသီရောက်နေပြီ၊ ဒါက မိုးရေအများဆုံး စုဆောင်းပြီးတဲ့အချိန်ပဲ၊ အဲဒီလို လုပ်နိုင်ဖို့ ခက်တယ်"
လို့မူဟိုင်က "သခင်မ ပြောတာ မှန်တယ်၊ ကျီးပါးစပ်တောင်ကြားက မြစ်ရေတွေက မြန်မြန်ဆန်ဆန် ပြည့်လျှံလာတက်တယ်၊ အဲ့တာကြောင့် ချိုင့်ရဲ့အောက်ခြေကနေ ဖြတ်ကူးဖို့ မဖြစ်နိုင်ဘူး"
သူမက ဒီတောထဲကို တခါမှ မဝင်ဖူးပေမယ့် ဒီမိုးသစ်တောနဲ့ ရင်းနှီးနေတယ်။ အင်းလေ... သူမက စစ်သူကြီးစုရဲ့ဇနီးပဲ... သာမန်မိန်းခလေးတွေနဲ့ နှိုင်းယှဥ်လို့ရပါ့မလား??
အခန်း ၉ ကောက်ကျစ်သော သူပုန်များ (အပိုင်း ၉)
စုရန်က "မင်းရဲ့ထင်မြင်ချက်အတိုင်းဆိုရင် ငါတို့ အဲ့ဒါကို ဘယ်လိုဖြေရှင်းရမှာလဲ??"
ကုယွင်က ချက်ချင်းပြန်မဖြေပေမယ့် ခဏအကြာတွင် သူမက သတိကြီးကြီးနဲ့ ပြန်ပြောလာသည်။ "ကျွန်မ ထင်တာကတော့ လက်ရှိမြေပြင်အနေအထားကို အရင်လေ့လာပြီး ရန်သူကို ကိုင်တွယ်ဖို့ နည်းလမ်းတွေ ဆွေးနွေးရင်လည်း အချိန်မနှောင်းသေးဘူး ထင်တယ်၊ သုံးရက်တောင် ကျန်ပါသေးတယ်!"
ESTÁS LEYENDO
စစ်ဘက်ဆိုင်ရာတိုင်ပင်ခံ မျိုးဆက်များ
Ficción histórica"မှားယွင်းသော လက်ထပ်ခြင်းမှသည်..... ကောင်းမွန်သော အိမ်ထောင်သည်ဘဝဆီသို့...(၂)" MM Translation (Just for fun) Chapter 41 in complete "မွားယြင္းေသာ လက္ထပ္ျခင္းမွသည္..... ေကာင္းမြန္ေသာ အိမ္ေထာင္သည္ဘဝဆီသို႔...(၂)"
Chapter 9.8/9.9
Comenzar desde el principio
