သခင်ကြီးကျန်းက လက်ခါပြလိုက်ပြီး အငယ်နှင့်ပြိုင်ကာ မတွက်ကပ်လိုကြောင်း ပြလိုက်လေသည်။
" ဟား ဟား ဟား ဟား ...."
ရယ်သံများသည် ကျန်းမိသားစု၏အိမ်တော်မှ ဆက်တိုက် ထွက်ပေါ်လာလေသည်။ ကျန်းမိသားစုနှင့် ရင်းနှီးသူများသည် သည်ကိစ္စကို ထူးဆန်းသည်ဟု သေချာပေါက်မြင်ကြလိမ့်မည်။ ပုံမှန်ဆိုလျှင် အိန္ဒြေကြီးနှင့် ရှိနေတတ်သည့် သခင်ကြီးကျန်း၏အိမ်သည် အခုတော့ အလွန်မှ ပျော်ရွှင်နေကြလေသည်။ သူတို့သည် ဘယ်လိုပျော်ရွှင်ရသည့် အကြောင်းအရာများ ဖြစ်ခဲ့သည်ကို သိကြလိမ့်မည်မဟုတ်ပေ။
" တကယ်ထူးဆန်းတာပဲ၊ မင်းတို့ Sမြို့က တကယ့်ကို အရည်အချင်းရှိတဲ့သူတွေနဲ့ ပြည့်နေတာပဲ"
သခင်ကြီးကျန်းက ခေါင်းကုပ်လိုက်၏။ သူသည် သည်လိုSမြို့ငယ်လေးတွင် ပါရမီရှင်များ ပြည့်နေလိမ့်မည်ဟု မျှော်လင့်မထားခဲ့ချေ။
" ဒါနဲ့ မိန်းကလေးရှန်ယွဲ့ မင်းလည်း သင်္ချာဘာသာရပ်မှာ တော်တယ်နော်၊ မဟုတ်မှလွဲရော မင်းက အွန်လိုင်းပေါ်မှာ ပြောနေတဲ့ ပါရမီရှင်လို့တော့ မပြောနဲ့နော်"
သခင်ကြီးကျန်းက ရုတ်တရက် ထမေးလိုက်လေသည်။ သာမန်လူသာဆိုလျှင် သတိလွှတ်သွားပေလိမ့်မည်။ သို့သော် ရှန်ယွဲ့ကတော့ တည်ငြိမ်နေဆဲ။ သူမသည် မျက်နှာအမူအရာမပြောင်းလဲဘဲ ပြုံးကာ ပြောလိုက်၏။
" အဘိုးရယ် ဘာတွေပြောနေတာလဲ၊ ကျွန်မက ဘယ်လိုလုပ်ပြီး ဒီလောက်အစွမ်းရှိတဲ့လူ ဖြစ်နိုင်မှာလဲ"
" ဟုတ်ပါတယ်လေ၊ မင်း အဲလောက်အထိတော့ အစွမ်းမရှိသင့်ပါဘူး၊ မင်းသာ ဆေးပညာမှာရော သင်္ချာဘာသာရပ်မှာရော တော်နေရင် ကောင်းကင်ဘုံရဲ့အလိုတော်ထက် သာလွန်နေပြီမလား ( အရမ်းကို အံ့ဩစရာကောင်းနေပြီလို့ပြောတာပါ)"
သခင်ကြီးကျန်းသည် တစ်ချိန်ထဲတွင် မဖြစ်ပျက်နိုင်ဟု သူတွေးထားသည့်အရာအားလုံးက ရှန်ယွဲ့ထံတွင် လာဖြစ်နေလိမ့်မည်ကိုတော့ မျှော်လင့်မထားခဲ့ချေ။ နောက်ပိုင်း အမှန်းတရာကိုသာ သိရှိသွားခဲ့လျှင် သခင်ကြီးကျန်း၏မေးရိုးသည် အောက်ကျသွားလောက်ပေသည်။
ВИ ЧИТАЄТЕ
အထူးလုပ်ကြံရေးသမတစ်ယောက်ရဲ့ စာမျက်နှာသစ်
Романтикаလုပ်ကြံသူအဖွဲ့တစ်ခုရဲ့ ပျိုးထောင်ခံလာရပြီး ၁၃နှစ်တာလေ့ကျင့်လာပြီးနောက်ပိုင်း ရှန်ယွဲ့ဟာ အသက် ၁၇နှစ်အရွယ်မှာတော့ အကောင်းဆုံးလုပ်ကြံရေးသမား ဂုဏ်ပုဒ်ကိုရခဲ့ပြီးတော့ လုပ်ကြံရေးသမားတွေကြားမှာ ပြိုင်ဘက်ကင်း legendတစ်ယောက်ဖြစ်လာခဲ့တယ်။ legendတစ်ယောက်ဖြစ်လာ...
အပိုင်း (၁၁၆) + အပိုင်း (၁၁၇)
Почніть із самого початку
