ဘာသာပြန်သူ- Chihirolily
ရှန်ယွဲ့သည် ရုတ်တရက်လန့်သွားသလို ဟန်ဆောင်လိုက်၏။ ရင်ဘတ်ကို ပုတ်ရင်း လှည့်ကြည့်လိုက်လေသည်။ သူမသည် အာပေါင်အာရင်းသန်သန်ဖြင့် ပြောလိုက်တော့သည်။
" ငါက နင်တို့တွေကို မေးရမှာ__ ညသန်းခေါင်ကြီး နင်တို့က အောက်ထပ်မှာ ဘာလုပ်နေတာလဲ"
ဒီလူအားလုံးသည် မက်စ်များ တပ်ထားပြီး သာမန်အဝတ်အစားများ ဝတ်ထားလေသည်။ သူတို့လက်ထဲတွင် တစ်ခုခုကို ကိုင်ထား၏။ သူတို့အားလုံးသည် သေချာလေ့ကျင့်ထားကြသည့် ပရော်ဖက်ရှင်နယ် လူသ-တ်သမားများနှင့်တူသည်။
ခေါင်းဆောင်သည် အစက ရှန်ယွဲ့ကို တိုက်ခိုက်ရန် အခွင့်ရေးအယူ ချင်သော်လည်း ရှန်ယွဲ့က ကျယ်ကျယ်လောင်လောင် အော်ပြောလိုက်သောအခါ အနီးအနားက နေထိုင်သူများ သိသွားပြီး ပြဿနာတက်မည်စိုးသဖြင့် သည်းခံနေလိုက်ရသည်။
ရှန်ယွဲ့၏သံသယနှင့် ရင်ဆိုင်လိုက်ရပြီးနောက် ထိုလူသည် အခိုက်တန့် ပျာယာခတ်သွားပြီး မြန်မြန် ပြန်ဖြေလိုက်လေသည်။
" ငါတို့တွေက အရပ်ဝတ်ရဲတွေပါ၊ သူခိုးတစ်ယောက်ကို လိုက်နေကြတာ၊ အခုလေးတင် ဒီနားမှာ တစ်ယောက်ယောက် ဖြတ်သွားတာကို မြင်လိုက်သေးလား"
လေထဲတွင် သွေးနံ့ခပ်ဖျော့ဖျော့ရနေ၏။ သူတို့သာ သည်နေရာတွင် ဆက်ရှိနေလျှင် ဒီလူသ-တ်သမားများသည် သံသယဝင်လာတော့မည်။ ရှန်ယွဲ့သည် ထိုစကားကို ကြားလိုက်သောအခါ အလွန်စိတ်လှုပ်ရှား ဟန်ဆောင်လိုက်ပြီး ပြုံးလိုက်လေသည်။
" ဪ ရဲတွေလား၊ အရမ်းနောက်ကျနေပြီလေ၊ အမှု လိုက်နေကြတုန်းလား၊ ကြိုးစားလိုက်ကြတာ"
ထိုသို့ပြောရင်း ရှန်ယွဲ့သည် သူမ၏ခေါင်းကို ထပ်ကုပ်လိုက်ပြီး စကားအများကြီး ပြောရမှာ ရှက်ရွံ့ဟန် လုပ်လိုက်လေသည်။ သူမ ထပ်ပြောလိုက်၏။
" ခုနတုန်းကတော့ လူတစ်ယောက် ဟိုလမ်းကြားထဲ ဝင်သွားတာ တွေ့လိုက်တယ်၊ ငါ ထင်တာက အလုပ်ကပြန်လာတဲ့ ဒီနားကအိမ်နီးချင်းလို့ ထင်နေတာ"
ရှန်ယွဲ့လက်ညိုးထိုးပြလိုက်သည့်ဘက်ကို ကြည့်လိုက်ပြီးနောက် ထိုလူသည် သူ့နောက်က အပေါင်းအပါများကို ကြည့်ကာ ပစ်မှတ်ကို အတည်ပြုလိုက်တော့သည်။ သူသည် ကျိုးယန်နောက် ချက်ချင်း ဆက်လိုက်ကြတော့သည်။
YOU ARE READING
အထူးလုပ်ကြံရေးသမတစ်ယောက်ရဲ့ စာမျက်နှာသစ်
Romanceလုပ်ကြံသူအဖွဲ့တစ်ခုရဲ့ ပျိုးထောင်ခံလာရပြီး ၁၃နှစ်တာလေ့ကျင့်လာပြီးနောက်ပိုင်း ရှန်ယွဲ့ဟာ အသက် ၁၇နှစ်အရွယ်မှာတော့ အကောင်းဆုံးလုပ်ကြံရေးသမား ဂုဏ်ပုဒ်ကိုရခဲ့ပြီးတော့ လုပ်ကြံရေးသမားတွေကြားမှာ ပြိုင်ဘက်ကင်း legendတစ်ယောက်ဖြစ်လာခဲ့တယ်။ legendတစ်ယောက်ဖြစ်လာ...