ရှန်ယွဲ့က ဗဟိုမြို့တော်မှာ ဘာသွားလုပ်နိုင်မှာလဲ။ ရှန်ရှန်သည် အနည်းငယ် ဇဝေဇဝါဖြစ်သွားတော့သည်။ သူ သိသလောက်တော့ ရှန်ယွဲ့က Sမြို့မှာပဲ ကြီးခဲ့တာလေ။ ဗဟိုမြို့တော်က လူတွေနဲ့ ဆက်ဆံဖို့မပြောနဲ့ ဘယ်မှတောင် ရောက်ဖူးတာမဟုတ်ဘူး။
ရှန်ယွဲ့က ထုတ်မပြောချင်သည်ကို သိလိုက်ရပြီး ရှန်ချန်ကိုယ်တိုင်လည်း အဖြေရှာမရသဖြင့် သူက ဆက်မတွေးတော့ဘဲ နောက်အချက်တစ်ခုကို သတိထားမိလိုက်တော့သည်။
" ငါ့ခြေထောက်ကို ကုပေးမလို့ဟုတ်လား"
ရှန်ချန်က အနည်းငယ်အံ့ဩသွားပြန်သည်။ ရှန်ယွဲ့၏အဓိပ္ပါယ်ကို နားလည်လိုက်ပြီးနောက် သူသည် ချက်ချင်းပင် ညိုးကျသွားတော့သည်။ သူ့ခန္ဓာကိုယ်က အမှတ်တမဲ့ နောက်သို့ တွန့်သွားပြီး ငြင်းဆန်လိုက်တော့သည်။
" မဖြစ်နိုင်ပါဘူး အစ်မရာ၊ နင့်အင်အားတွေကို အလကားအကုန်မခံပါနဲ့"
" ခြေထောက်ကို ကုပေးနိုင်တယ်လို့ ငါနင့်ကို အစောကြီးကတည်းက ပြောခဲ့ပြီးပြီလေ၊ နင် ဘာမှ စိတ်ပူစရာမလိုဘူး"
ထိုအကြောင်းကို စဥ်းစားလိုက်ပြီး ရှန်ယွဲ့သည် ရှန်ချန်၏ထော့နဲ့နေသည့်ခြေထောက် အခြေအနေကို သိချင်သွားဖြင့် ရှန်ချန်၏ဘောင်းဘီကို မ,တင်ရန် လက်လှမ်းမိလျက်သား ဖြစ်သွားတော့သည်။
သို့သော် သည်အပြုအမူက ရှန်ချန်ကို အလန့်တကြားဖြစ်သွားစေတော့သည်။ စဥ်းစားမနေဘဲ သူက ရှန်ယွဲ့ကို တားလိုက်ပြီး သူ့ဘောင်းကို ဖိချထားလိုက်ကာ
" မလုပ်နဲ့၊ ငါ့ခြေထောက်က အရမ်းရုပ်ဆိုးတယ်"
ရှန်ယွဲ့သည် ကိုယ်ပျောက်သမားတော် ဖြစ်စဥ်ကာ ခက်ခက်ခဲခဲ ကုရသည့် ဖျားနာမှုအားလုံးကို မြင်တွေ့ခဲ့ဖူးပြီး ထိုအရာများကိုစိတ်ထဲတွင် လုံးဝမထားခဲ့ပေ။ သူမက ဖိအားပေးကာ ပြောလိုက်တော့သည်။
" ငါ ဆေးပညာအကြောင်း နည်းနည်းပါးပါး သိပါတယ်ဟဲ့၊ ငါ ကြည့်ပေးလို့ရတယ်၊ ကာမထားနဲ့"
ရှန်ချန်သည် မတတ်သာတော့ပဲ နှုတ်ဆိတ်ကာ သူ့လက်ကို ဖယ်ပေးလိုက်တော့သည်။ သူ့အမူအရာက အနည်းငယ်ရှက်ရွံ့နေသော်လည်း သည်းခံထားလိုက်ပြီး ရှန်ယွဲ့အား သူ့ဘောင်းဘီကို ပင့်ခွင့်ပြုလိုက်တော့သည်။
BINABASA MO ANG
အထူးလုပ်ကြံရေးသမတစ်ယောက်ရဲ့ စာမျက်နှာသစ်
Romanceလုပ်ကြံသူအဖွဲ့တစ်ခုရဲ့ ပျိုးထောင်ခံလာရပြီး ၁၃နှစ်တာလေ့ကျင့်လာပြီးနောက်ပိုင်း ရှန်ယွဲ့ဟာ အသက် ၁၇နှစ်အရွယ်မှာတော့ အကောင်းဆုံးလုပ်ကြံရေးသမား ဂုဏ်ပုဒ်ကိုရခဲ့ပြီးတော့ လုပ်ကြံရေးသမားတွေကြားမှာ ပြိုင်ဘက်ကင်း legendတစ်ယောက်ဖြစ်လာခဲ့တယ်။ legendတစ်ယောက်ဖြစ်လာ...
အပိုင်း (၁၀၈)+အပိုင်း (၁၀၉)
Magsimula sa umpisa