စစ်ဘက်ဆိုင်ရာတိုင်ပင်ခံ မျိုးဆက်များ

Chapter 8.4

ကုယွင်ကတော့ ထိုသို့အခေါ်ခံရတိုင်း အဆင်မပြေသလို ခံစားနေရသည်။ သူမက ထိုအခေါ်အဝေါ်ကို လုံးဝ မကြိုက်ပါဘူး။

"ဓားပြတွေကို နှိမ်နှင်းဖို့ သခင်မက ငါတို့နဲ့အတူတူ သွားမယ်လို့ ပြောနေတာကို ငါ ကြားခဲ့တယ်။ ငါက ငါ ကြားတာ မှားနေတယ်လို့ ထင်ခဲ့ပေမယ့် မင်း ဒီမှာ တကယ်ရှိလိမ့်မယ်လို့တော့ ငါ မမျှော်လင့်ထားခဲ့ဘူး" ဟန်ရှုက အရမ်းစိတ်အားထက်သန်နေပြီး သူ့အသံက အရမ်းကျယ်လောင်နေတာကို သူ သတိမထားမိပေမယ့် ထိုအသံက လူတိုင်း၏အာရုံကို အောင်မြင်စွာ ဆွဲဆောင်နိုင်ခဲ့ပြီး တိတ်ဆိတ်သွားကြသည်။

စစ်သူကြီးချုပ်၏ဇနီးနှင့် ဒုတိယစစ်သူကြီးချုပ်တို့ကြားမှ ပြိုင်ဆိုင်မှုအကြောင်းကို စစ်တပ် စစ်သည်များစွာက ကြားသိထားကြပြီး ဤထူးဆန်းသော အမျိုးသမီးကို အလွန် စိတ်ဝင်စားနေကြသည်။ သို့သော် ပထမအကြည့်တစ်ချက်တွင်ပင် သူတို့က ကောလာဟလများ၏စစ်မှန်မှုကို အားလုံးက သံသယဝင်သွားကြတော့သည်။ ဒီပိန်ပိန်သွယ်သွယ် အမျိုးသမီးက တပ်သားသစ်များပြောနေကြတဲ့ မကောင်းဆိုးဝါးဆန်တဲ့ မာန်နာတ်နည်းပြဆိုတာလား???

"မရီး" စုရန်က အသက်ငါးဆယ်ကျော် အမျိုးသားနှင့် အတူ သူမဆီသို့ လျှောက်လာခဲ့သည်။ စုရန်က "ဒါက ၀န်ကြီးချုပ်လို့ရဲ့ အဖေ ကျန်းရှီစစ်သူကြီး လို့မူဟိုင်ပဲ"

ဒီလူက လို့ရှီးယန်ရဲ့အဖေလား???! သူမ မြင်ဖူးခဲ့တဲ့ လို့ရှီးယန်က ချောမောပြေပြစ်တဲ့ ယောကျာ်းတစ်ယောက်ဖြစ်ပြီး ဤကျန်းရှီစစ်သူကြီးက ခက်ထန်သောမျက်နှာ၊ ထွားကျိုင်းသော ကိုယ်ခန္ဓာနှင့် ကျန်းမာသော အသွင်အပြင် ရှိနေသည်။ ပထမအကြည့်တစ်ချက်တွင်ပင် သူက တင်းမာပြီး ပေါင်းသင်းဆက်ဆံရန် ခက်ခဲနိုင်သော ခေါင်းမာသူတစ်ဦးနှင့် တူနေသည်။ သူက စစ်သူကြီးအိမ်တော် မဆင်မခြင် စိတ်ထားရှိသူများနှင့်သာ တူနေပြီး လို့ရှီးယန်နဲ့တော့ လုံးဝ တွဲဆက်လို့ မရပါဘူး။

"လို့စစ်သူကြီး သူ(မ)က ကျွန်တော့်တို့ တာ့ကောရဲ့ဇနီးချင်းမော့ပါ။ အဲဒါကို ပြောရရင်၊ ကျွန်တော်တို့က ခမည်းခမက်တွေပါပဲ"