မဆိုးပါဘူး၊ သူ ဉာဏ်အလင်းရသွားပြီ။ ကုယွင်က စိတ်ကောင်းဝင်သွားပြီး သူမနှုတ်ခမ်းထောင့်တွေကို ညင်သာစွာ ပင့်တင်လိုက်ရင်း တစ်ဖက်က လမ်ရှောင်းကို လှည့်ကြည့်လိုက်ကာ "လမ်ရှောင်း မင်းရော ဘယ်လိုထင်လဲ"
လမ်ရှောင်းက ကြိုတင် တွေးဆထားပုံရပြီး ကုယွင်ကို အချိန်အကြာကြီး မစောင့်ခိုင်းတော့ဘဲ "စခန်းမှာ တပ်စွဲထားတဲ့ ထိပ်တန်းစစ်သည်တစ်ထောင် ရှိတယ်၊ ဒါပေမယ့် ကျွန်တော်တို့ အဖွဲ့မှာ လူ ၅၀၀ပဲ ရှိတယ်။ အင်အားကွာဟချက်က ကြီးမားတယ်။ အချိန်တန်ရင် တိုက်ပွဲရဲ့ရှုံးနိမ့်နိုင်ချေကို လျော့ချဖို့ လက်နက်တွေ သုံးသင့်ပါတယ်"
"ဆက်ပြော"
ကုယွင်၏မျက်နှာတွင် ဘာအမူအရာမှ မရှိသည့်အတွက် သူမ ကျေနပ်နေလား ဒေါသထွက်နေလား ပြောရန် ခက်ခဲနေသည်။ ထိုကြောင့် လမ်ရှောင်းက သူ့စိတ်ထဲတွင် အနည်းငယ် ကတုန်ကယင်ဖြစ်နေသည်။ သူက နှလုံးခုန်မြန်နေပေမယ့် အသက်ကို ခပ်ပြင်းပြင်း ရှူသွင်းလိုက်ပြီး "စခန်းအတွင်းရဲ့အခြေအနေကို မသိနိုင်ပေမယ့် သေချာတာကတော့ အစောင့်တပ်တွေအားလုံးက သူတို့ရဲ့စခန်းတွေကို အမြင့်ပေနှစ်ဆယ်ထက် ပိုမြင့်တဲ့ နံရံတွေနဲ့ ကာရံထားလေ့ရှိတယ်။ တစ်ယောက်ယောက်က သွားတိုက်ခိုက်ရင် သူတို့က လာတိုက်ခိုက်တဲ့သူတွေကို တားဆီးဖို့ မြှားလက်နက်တွေကို အသုံးပြုကြလိမ့်မယ်။ ဒါပေမယ့် ကျွန်တော်တို့မှာလဲ ဒိုင်းကာတွေ ရှိနေတယ်။ ဒီအချိန်မှာ မြို့ကိုတိုက်ခိုက်ဖို့ အဝေးပစ်လက်လက်တွေ ဖြည့်သွင်းလိုက်ရင် မျှော်စင်ပေါ်ကလူတွေကို အနိုင်ယူနိုင်မှာ သေချာတယ်။ ကျွန်တော်တို့က မြှားတွေနဲ့ ဝန်းရံထားလိုက်ရင် အစောင့်တပ်က တပ်ဖွဲ့ဝင်အရေအတွက် ပိုတိုးလာလိမ့်မယ်"
ကုယွင်က အကြာကြီး နှုတ်ဆိတ်နေပေမယ့် တစ်ဖက်က ကောကျင့်ယွင်က "မင်းက အရှေ့ကနေ တိုက်ခိုက်ချင်တာလား? ဒါက အန္တရာယ်များလွန်းတယ်။ အဲဒီ ထိပ်တန်း စစ်သည်တွေအားလုံးက အတွေ့အကြုံရှိတဲ့ စစ်သည်တွေကြီးပဲ။ သူတို့မှာ ဒိုင်းတွေ၊ မြှားတွေ ရှိနေတယ်၊ အရှေ့ကနေ ရင်ဆိုင်တိုက်ခိုက်ဖို့ဆိုတာ မဖြစ်နိုင်ဘူး။"
YOU ARE READING
စစ်ဘက်ဆိုင်ရာတိုင်ပင်ခံ မျိုးဆက်များ
Historical Fiction"မှားယွင်းသော လက်ထပ်ခြင်းမှသည်..... ကောင်းမွန်သော အိမ်ထောင်သည်ဘဝဆီသို့...(၂)" MM Translation (Just for fun) Chapter 41 in complete "မွားယြင္းေသာ လက္ထပ္ျခင္းမွသည္..... ေကာင္းမြန္ေသာ အိမ္ေထာင္သည္ဘဝဆီသို႔...(၂)"
Chapter 7.1
Start from the beginning
