"သတင်းပို့ပါတယ်၊ အနောက်ဘက်ခြမ်းမှာ ကောကျင့်ယွင်ရဲ့တိုက်ခိုက်ရေးအဖွဲ့က တောင်တန်းနောက်ဘက်ကနေ ခြုံခိုတိုက်ခိုက်ခဲ့ပေမယ့် တိုက်ခိုက်မှု မအောင်မြင်ခဲ့ပါဘူး"
ကုယွင်၏ခန့်မှန်းချက်ကို အတည်ပြုပေးသည့် သတင်းနှစ်ခုက သူမနောက်မှ တစ်ချိန်တည်းနီးပါး ထွက်ပေါ်လာသည်။ သို့သော်လည်း အချိန်အတော်ကြာ စောင့်ဆိုင်းပြီးသည့်အထိ တတိယအဖွဲ့၏သတင်းပို့မှုက ထွက်ပေါ်လာခြင်း မရှိပေ။ ကွင်းပြင်နေရာမှ ပို၍ စိတ်အေးလက်အေးဖြစ်လာပုံရသော လမ်ရှောင်းကို ကြည့်နေရင်း ကုယွင်၏ နူတ်ခမ်းထောင့်များက ပင့်တက်လာကာ ထူးဆန်းသော အပြုံးတစ်ခုကို ထုတ်ဖော်လိုက်သည်။ မာနက စစ်သည်တွေကို ရှုံးနိမ့်သွားစေလိမ့်မည်၊ နောက်ဆုံးတိုက်ပွဲက မစရသေးပါဘူး။
"သတင်းပို့ပါတယ်" နောက်ထပ် စစ်သည်ငယ်တစ်ယောက်က ပြန်ပြေးလာနေရင်း အော်ဟစ်နေသည်။ "ကောကျင့်ယွင်ဦးဆောင်လာတဲ့ အဖွဲ့က တောင်ဘက် ကုန်းမြင့်မှာ ချုံခိုပြီး တိုက်ခိုက်ဖို့စောင့်နေတဲ့ စစ်သည်တွေနဲ့ အပြင်းအထန် တိုက်ခိုက်ခဲ့ပြီး တိုက်ပွဲထဲကနေ အောင်မြင်စွာ ခွဲထွက်သွားနိုင်ပေမယ့်...."
သတင်းပို့နေတဲ့ စစ်သည်လေးက တုံ့ဆိုင်းနေပြီး သိပ်မကြာခင်မှာပဲ ကုယွင် မျက်နှာက မည်းမှောင်သွားတာကြောင့် စစ်သည်လေးက အမြန်ဆက်ပြောလာခဲ့သည်။ "အသေအပျောက် များပါတယ်"
ကုယွင်က မျက်မှောင်ကြုတ်လိုက်ပြီး သူမရှေ့တွင် ဝဲပျံလာသော ဖုန်မှုန့်များကို စိုက်ကြည့်နေသည်။ အဖွဲ့ကို ဦးဆောင်သူမှာ မျက်နှာတွင် ညစ်ပတ်ပေရေနေပြီး မောပန်းနွမ်းနယ်နေပုံရသော ကောကျင့်ယွင် ဖြစ်နေပြီး သူ့နောက်မှ ပြေးလိုက်လာသော စစ်သည် နှစ်ဆယ်ကျော်က ဝရုန်းသုန်းကား ဖြစ်နေသည်။ တိုက်ပွဲ၏ဖွဲ့စည်းပုံက လုံးဝကို ပျက်ဆီးနေခဲ့သည်။
ကောကျင့်ယွင်က သူ့လက်ထဲတွင် ဓားရှည်ကြီးကို ကိုင်ထားရင်း လမ်ရှောင်းကို ဒေါသတကြီးဖြင့် စွဲချက်တင်လိုက်သည်။
လမ်ရှောင်းကလည်း အံ့အားသင့်နေခဲ့သည်။ သူက ထိုပတ်၀န်းကျင်မှ ကောကျင့်ယွင် ဖောက်ထွက်နိုင်မည်ဟု မထင်ထားဘဲ သူ့ဘေးနားတွင် ထားရှိသော လှံပုဆိန်ရှည်ကို အမြန်ဆွဲယူကာ ရှေ့သို့ ပြေးသွားလိုက်သည်။
BẠN ĐANG ĐỌC
စစ်ဘက်ဆိုင်ရာတိုင်ပင်ခံ မျိုးဆက်များ
Tiểu Thuyết Lịch Sử"မှားယွင်းသော လက်ထပ်ခြင်းမှသည်..... ကောင်းမွန်သော အိမ်ထောင်သည်ဘဝဆီသို့...(၂)" MM Translation (Just for fun) Chapter 41 in complete "မွားယြင္းေသာ လက္ထပ္ျခင္းမွသည္..... ေကာင္းမြန္ေသာ အိမ္ေထာင္သည္ဘဝဆီသို႔...(၂)"
Chapter 6.2
Bắt đầu từ đầu
