အခုထက်ထိ ဘယ်လို လိုက်လျောညီထွေဖြစ်အောင် လုပ်ရမှန်း မသိသေးဘူး၊ ဒီလူက သန်မာတဲ့ စိတ်ထားရှိပြီး ရဲရင့်ပေမယ့် မိုက်မဲလွန်းတယ်။ ကောကျင့်ယွင်က သူမကို ဒေါသထွက်စေတာမှ အံကြိတ်ထားရလွန်းလို့ ခေါင်းတောင်ကိုက်တယ်!
ကုယွင် စကားကို ကြားလိုက်တာနဲ့ ကောကျင့်ယွင်ရဲ့ ခေါင်းက အောက်ကို နိမ့်ကျသွားပြီး တစ်ခါမှ ခေါင်းမငုံ့ဖူးတဲ့ သန်မာတဲ့လူက သူ့ရှေ့က ရွှံ့ပြင်ကို မျက်နှာမူထားတာကို မြင်လိုက်ရတဲ့အခါ သူ ရှက်သွားမှန်း သူမ ခံစားလိုက်ရသည်။
ကုယွင်က သူ့ကို ကြည့်ရတာ စိတ်တိုလွန်းတာကြောင့် စကားတစ်ခွန်းမှ မပြောသေးတဲ့ လမ်ရှောင်းကို လှည့်ကြည့်လိုကပြီး သူမ၏မျက်နှာက ကျေနပ်နေပုံ မရဘဲ "လမ်ရှောင်း မင်း ဘာကြောင့် ကျဆုံးသွားလဲဆိုတာ မင်း သိလား"
ဤတစ်ကြိမ်တွင် လမ်ရှောင်းက ပြန်မဖြေဘဲ သူမ၏စူးရှသော မျက်လုံးများကို ပြန်မကြည့်ဝံ့ဘဲ ငြိမ်ငြိမ်လေး ရပ်နေလိုက်သည်။
သူမလေသံက ကြမ်းတမ်းနေသေးပေမယ့် ကောကျင့်ယွင်၏အုံ့မှိုင်းသော အခြေအနေနှင့် ယှဉ်ကြည့်လျှင် ကုယွင်က လမ်ရှောင်း၏နည်းဗျူဟာကို နည်းနည်းတော့ ကျေနပ်နေတုန်းပါပဲ။ "မင်း အစပြုတာ ဘာမှ မမှားပါဘူး၊ စစ်မြေပြင်မှာ တွက်ချက်မှု ကောင်းကောင်းလုပ်တတ်တာက မင်းရဲ့ အားသာချက်ပဲ။ ဒါပေမယ့် မင်းက မင်းကိုယ်မင်း မျက်စိစုံမှိတ်ယုံနေတယ်၊ ပြီးတော့ မင်းရဲ့ပြိုင်ဘက်ကို မထီမဲ့မြင်ပြုတာက မင်းကို အခုလို ဆိုးဆိုးရွားရွား ရှုံးစေခဲ့တာပဲ!"
"ကျွန်တော် အဲ့လို မလုပ်ခဲ့ဘူး" လမ်ရှောင်းက မယုံနိုင်စွာ ပြန်ဖြေလာသည်။
"မလုပ်ဘူးတဲ့လား?" လမ်ရှောင်း၏စိတ်အားထက်သန်စွာ ငြင်းဆိုမှုကြောင့် ကုယွင်က ဒေါသ ထွက်လာပြီး "တကယ်တော့ မင်းက မင်းစခန်းထဲမှာ စုစုပေါင်းအင်အားရဲ့ ရှစ်ပုံတစ်ပုံဖြစ်တဲ့ လူသုံးဆယ်ပဲ ကျန်ခဲ့တယ်။ စစ်စခန်းမှာ စားနပ်ရိက္ခာ၊ မြက်၊ ရေနဲ့ လက်နက်တွေ၊ စစ်ဘက်ဆိုင်ရာ အထောက်အပံ့တွေ၊ မြေပုံတွေနဲ့ အခြားအရန်အရင်းအမြစ်တွေ အများကြီးရှိနေတယ်၊ မင်းက တပ်သားတွေရဲ့ ရှစ်ပုံတစ်ပုံနဲ့ မင်းရဲ့စစ်တပ်စခန်းကို ဘယ်လို ကာကွယ်မလဲဆိုတာကို ငါ မေးလို့ရမလား???"
YOU ARE READING
စစ်ဘက်ဆိုင်ရာတိုင်ပင်ခံ မျိုးဆက်များ
Historical Fiction"မှားယွင်းသော လက်ထပ်ခြင်းမှသည်..... ကောင်းမွန်သော အိမ်ထောင်သည်ဘဝဆီသို့...(၂)" MM Translation (Just for fun) Chapter 41 in complete "မွားယြင္းေသာ လက္ထပ္ျခင္းမွသည္..... ေကာင္းမြန္ေသာ အိမ္ေထာင္သည္ဘဝဆီသို႔...(၂)"
Chapter 6.3
Start from the beginning
