သူတို့တွေးတာက လုံးဝမှန်ကန်လေးပြီး တစ်ရှိးချန်၏လေးပုံတစ်ပုံ အကြာတွင် ကုယွင်က နောက်ဆုံးမှာ သူမခေါင်းကို သူတို့ဆီလှည့်လာပြီး "နှစ်ယောက်တစ်ဖွဲ့ ဖွဲ့မယ်။ တောတွင်းကနေ စခန်းအထိ၊ အုပ်စုငါးစု ခွဲမယ်။ မင်းတို့က လမ်းတစ်လျှောက်အခြေအနေကို စောင့်ကြည့်ပြီး တစ်ခုခု ဖြစ်လာတိုင်း သတင်းပြန်ပို့ရမယ်။ ဘယ်အခြေအနေမှာမဆို စောင့်ကြည့်ဖို့ပဲ လိုတယ်၊ ဝင်ရောက်စွက်ဖက်ဖို့ ခွင့်မပြုဘူး၊ နားလည်ကြလား??"
လူနှစ်ဆယ်က တွန့်ဆုတ်အနေဝံ့ဘဲ "နားလည်ပါပြီ" ဟု တညီတညွတ်တည်း ပြန်ပြောခဲ့သည်။
ကုယွင်က သူတို့ကို လက်ဝှေ့ယမ်းပြလိုက်ပြီး ကျောက်နံရံကို မှီကာ တောက်ပသော မျက်လုံးများဖြင့် အောက်မှ အခြေအနေကို တိတ်တဆိတ် ကြည့်နေခဲ့သည်။ တကယ်တော့ သူမမျက်နှာပြင်ပေါ်က အမူအရာက တည်တည်ငြိမ်ငြိမ် အေးအေးဆေးဆေး ရှိနေပြီး အရာရာကို စောင့်ကြည့်နေခဲ့ပေမယ့် သူမရဲ့စိတ်ထဲမှာတော့ ဒီစစ်သည်တွေကို စိတ်ပူနေမိသည်။ သူတို့အားလုံးက စစ်ပွဲဟုခေါ်ဆိုနိုင်သော တိုက်ပွဲမျိုးကို မကြုံဖူးကြသော တပ်သားသစ်များဖြစ်ကြပြီး သူတို့ရင်ဆိုင်ရမည့်အရာမှာ စုရန်နှင့် သူ၏အဆင့်မြင့်စစ်သည်များ ဖြစ်သည်။ ဤညတိုက်ခိုက်ရေးတိုက်ပွဲတွင် စုယွိလေ့ကျင့်ပေးထားသော တပ်သားသစ်များကို အနိုင်ယူရန် မခဲယဉ်းပေ။ သို့သော် စုရန်ကို ရင်ဆိုင်နိုင်ဖို့ကတော့ မသေချာပါဘူး။
ဤလေ့ကျင့်ခန်းက သူတို့၏ စွမ်းရည်များကို အများကြီး စမ်းသပ်နိုင်မည် မဟုတ်သော်လည်း သူတို့၏ သတ္တိနှင့် လိုက်လျောညီထွေရှိမှုတို့ကို စမ်းသပ်နိုင်မည်ဖြစ်သည်။ သူတို့က ဖြစ်နိုင်ခြေရှိတဲ့ အခြေအနေအားလုံးကို နားလည်ပြီး မြန်မြန်ဆန်ဆန် တုံပြန်နိုင်ကာ သူမကို စိတ်မပျက်စေဖို့ သူမ မျှော်လင့်နေခဲ့သည်။
တချိန်လုံး အောက်ကို စိုက်ကြည့်နေတဲ့ ကုယွင်ရဲ့မျက်လုံးတွေ ရုတ်တရက် ကျဉ်းပြောင်းသွားခဲ့သည်။
လမ်ရှောင်း... ဘာလုပ်နေတာလဲ???!
ကျယ်ပြန့်သော ကွင်းပြင်တွင် စစ်သည်နှစ်ရာကျော်ကို သပ်သပ်ရပ်ရပ် စီတန်းထားစေပြီး အဖွဲ့ငါးဖွဲ့ခွဲထားသည်။ လမ်ရှောင်း၏နောက်တွင် မလှုပ်မယှက်ရပ်နေသော လူသုံးဆယ်ခန့်မှလွဲ၍ ကျန်သူများက အရပ်လေးမျက်နှာသို့ ပြေးထွက်သွားကြသည်။
VOCÊ ESTÁ LENDO
စစ်ဘက်ဆိုင်ရာတိုင်ပင်ခံ မျိုးဆက်များ
Ficção Histórica"မှားယွင်းသော လက်ထပ်ခြင်းမှသည်..... ကောင်းမွန်သော အိမ်ထောင်သည်ဘဝဆီသို့...(၂)" MM Translation (Just for fun) Chapter 41 in complete "မွားယြင္းေသာ လက္ထပ္ျခင္းမွသည္..... ေကာင္းမြန္ေသာ အိမ္ေထာင္သည္ဘဝဆီသို႔...(၂)"
Chapter 6.1
Começar do início
