ကုယွင်က လမ်ရှောင်းရဲ့လက်ထဲကို သစ်ကိုင်းထိပ်မှာ ချည်ထားတဲ့ အလံလေးကို လှမ်းပေးလိုက်ပြီး "ဒါက ကွပ်ကဲရေးအောင်လံပဲ၊ လမ်ရှောင်း... မင်းရဲ့အဖွဲ့က ဒီအလံကို ကာကွယ်ရမယ်၊ ကောကျင့်ယွင်နဲ့ သူ့အဖွဲ့က အဲ့တာကို လာသိမ်းပိုက်နိုင်ရင် မင်းတို့ရှုံးလိမ့်မယ်။ အဲ့အတိုင်း အပြန်အလှန်ပဲ ကောကျင့်ယွင်တို့ဘက်က မသိမ်းပိုက်နိုင်ရင် သူတို့ ရှုံးလိမ့်မယ်။ ဒီနေရာက လမ်ရှောင်းရဲ့အဓိကစခန်းဖြစ်ပြီး ငါတို့လေ့ကျင့်နေကျနေရာက ကောကျင့်ယွင်ရဲ့စခန်းပဲ။ အခု မင်းတို့ ပြင်ဆင်ဖို့ ရှီးချန်တစ်ခုစာ အချိန်ရမယ်၊ နောက်တစ်ရှီးချန်မှာ လေ့ကျင့်ရေးတိုက်ပွဲကို တရားဝင်စတင်မယ်"
ဤစစ်သသည်အုပ်စုမှ လူများအားလုံးက စစ်သည်အသစ်များဖြစ်ကြပြီး စစ်ပွဲဟုခေါ်နိုင်သော အရာမျိုးကို တစ်ခါမျှ မကြုံဖူးခဲ့ကြပေ။ အခုအချိန်တွင် တစ်ယောက်စီတိုင်းက သူမကို တုန်လှုပ်စွာ ကြည့်နေကြသည်။
"နားလည်ကြလား" ကုယွင်က ရုတ်တရက် ကျယ်လောင်စွာအော်လိုက်ပြီး နောက်ဆုံးမှာတော့ သူတို့စိတ်တွေ တုန်ခါသွားကာ မြန်မြန်သတိဝင်လာပြီး "နားလည်ပါပြီ!"
"စကြစို့" ကုယွင်က ကျေနပ်စွာ ခေါင်းညိတ်ပြလိုက်သည်။ သူမက ဘာမှ မပြောဘဲ ကျန်လူနှစ်ဆယ်ကို တောင်စောင်းပေါ်သို့ ခေါ်သွားကာ မြင်ကွင်းကျယ် တစ်နေရာကို ရွေးချယ်လိုက်ပြီး အေးအေးဆေးဆေး ထိုင်နေလိုက်သည်။
ယနေ့ည မနက်ဖြန်ညတွင် မည်သူက သူမအတွက် ရှေ့ပြေးခေါင်းဆောင်ဖြစ်လာနိုင်မည်ကို သူမ ကြည့်ချင်နေခဲ့သည်။
စစ်သည်အယောက်နှစ်ဆယ်က ကုယွင်ရဲ့နောက်တွင် ဘာမှ နားမလည်တဲ့ အမူအရာဖြင့် ရပ်နေကြပြီး အောက်ဘက်တွင် တက်ကြွစွာ တပ်ဖြန့်နေသော အဖွဲ့နှစ်ဖွဲ့ကို ကြည့်နေကြသည်။ သူတို့ကို ဒီကိုလာဖို့ တောင်းဆိုခဲ့တဲ့ ခေါင်းဆောင်ရဲ့ရည်ရွယ်ချက်က ဘာလဲဆိုတာကို သူတို့အားလုံး နားမလည်နိုင်ကြပါဘူး။ သူတို့က စိတ်တွေ ရှုပ်ထွေးနေပေမယ့် လွန်ခဲ့သောလဝက်၏လေ့ကျင့်မှုများက သူတို့အတွက် အမှန်တရားကို နက်နက်ရှိုင်းရှိုင်း နားလည်စေခဲ့သည်။ နောက်ဆုံးတော့ ဘာပဲဖြစ်ဖြစ်ကို ခေါင်းဆောင်ကို မဆန့်ကျင်နဲ့၊ ဘယ်လောက်ပဲ ထူးဆန်းနေပါစေ၊ သူမမှာ အကြောင်းပြချက်ရှိနေလိုက်မယ်။
YOU ARE READING
စစ်ဘက်ဆိုင်ရာတိုင်ပင်ခံ မျိုးဆက်များ
Historical Fiction"မှားယွင်းသော လက်ထပ်ခြင်းမှသည်..... ကောင်းမွန်သော အိမ်ထောင်သည်ဘဝဆီသို့...(၂)" MM Translation (Just for fun) Chapter 41 in complete "မွားယြင္းေသာ လက္ထပ္ျခင္းမွသည္..... ေကာင္းမြန္ေသာ အိမ္ေထာင္သည္ဘဝဆီသို႔...(၂)"
Chapter 6.1
Start from the beginning
