စစ်ဘက်ဆိုင်ရာတိုင်ပင်ခံ မျိုးဆက်များ

Chapter 5.1

စုယွိက ဤတစ်ကြိမ်တွင် အလွန်အလေးအနက်ထားပြီး အကြိမ်တိုင်းကို သတိထားပြီး အာရုံစိုက်နေခဲ့သည်။ နန်းတော်၏ညစာစားပွဲမှ ပြန်လာသော စုလင်း၏မျက်လုံးထဲတွင် ဤမြင်ကွင်းက အလွန်ထူးဆန်းနေသည်။

ယွိက ဘယ်အချိန်က စစ်တုရင်ကို စိတ်ဝင်စားသွားတာလဲ???

ယင်းကြောင့် စုလင်းက အနည်းငယ် စပ်စုချင်သွားပြီး စာကြည့်ဆောင်ထဲသို့ ဝင်လာကာ စုယွိ၏နောက်သို့ လျှောက်သွားချိန်တွင် စည်းမရှိကမ်းမရှိဖြစ်ကာ ဗျူဟာကင်းမဲ့နေသာ စစ်တုရင်ခုံကို ရှင်းရှင်းလင်းလင်း မြင်လိုက်ရသည်။ စစ်တုရင်ခုံပေါ်တွင် စစ်တုရင် အပိုင်းအစများက ထူထပ်စွာ စုပုံနေသည်ကို မြင်လိုက်ရသဖြင့် သူ့မျက်ခုံးများ နက်ရှိုင်းစွာ တွန့်သွားခဲ့သည်။

သူ့ကို မြင်နေတာ ကြာပြီဖြစ်တဲ့ စုရန်က "တာ့ကော"

"တာ့ကော?" စုယွိက ဇဝေဇဝါဖြင့် ခေါင်းမော့ကာ သူ့ပတ်ပတ်လည်ကို လိုက်ကြည့်နေပြီးမှ နောက်ဆုံးတွင် သူ့နောက်မှ စုလင်း၏ပုံရိပ်ကို တွေ့လိုက်ရပြီး အံသြစွာဖြင့် "တာ့ကော၊ ဘာလို့ ပြန်လာတာလဲ"

စုလင်း၏ခန္ဓာကိုယ်မှ အရက်နံ့ကို ရှူရှိုက်မိလိုက်သော စုရန်က စစ်တုရင်တုံးများကို နောက်တကြိမ် နေရာချရင်း ပေါ့ပေါ့ပါးပါးနဲ့ "မြောက်ပိုင်းချီက သံတမန်တွေ ရောက်နေတယ်လေ။ ဒီည ဧကရာဇ်က နန်းတော်မှာ စားသောက်ပွဲကျင်းပနေတယ်။ တာ့ကောက ဒီကိစ္စအတွက် ပြန်လာတာနေမှာပေါ့၊ ဟုတ်တယ်မလား?"

စုလင်းက ဟုတ်သည်၊ မဟုတ်သည်ကို မဖြေဘဲ အေးတိအေးစက် ပြန်မေးလိုက်သည်။ "အိမ်တော်မှာ တစ်ခုခု ဖြစ်ခဲ့သေးလား"

သူတို့ အေးအေးဆေးဆေး စစ်တုရင် ကစားနေကြတာကို ကြည့်လိုက်ရင်တော့ အိမ်တော်ထဲမှာ ဘာမှ မဖြစ်တဲ့ပုံပဲ၊ ဒါပေမယ့် ပင်းလျန့်က ဆယ်စုနှစ်တွေအတွင်းမှာ ရှားရှားပါးပါး လှုပ်ရှားလာခဲ့တယ်။ ထူးခြားတာ တစ်ခုခုကတော့ ဖြစ်နေပြီ။

စုလင်း၏လေးနက်သော အမူအရာက စုယွိ၏ နှလုံးခုန်နှုန်းကို ထိုးတက်သွားစေခဲ့သည်။ သူ့အစ်ကိုကြီးက သူနှင့် ထိုမိန်းမ၏ စစ်ရေးလေ့ကျင့်မှုပြိုင်ပွဲအကြောင်းကို သိနေတာ ဖြစ်နိုင်လား? ဒါက ရာဇတတ်မှု မဟုတ်သော်လည်း တပ်သားသစ်အဖွဲ့ဖွဲ့စည်းခြင်းနှင့် လောင်းကြေးထပ်ခြင်းများအတွက် ပုံမှန် နည်းဗျူဟာလေ့ကျင့်မှုကို သူ လျစ်လျူရှုထားတယ်ဆိုတာကို အကြီးဆုံးအစ်ကို သိသွားရင် သူ ဒေါသထွက်မှာ သေချာနေတယ်။ စုယွိက စိုးရိမ်တကြီးနဲ့ စုရန်ကို ကြည့်လိုက်ချိန်တွင် စုရန်က ပြုံးပြုံးရွှင်ရွှင် အေးအေးဆေးဆေးဖြင့် လွယ်လွယ်ကူကူ ပြန်ဖြေတာကိုသာ တွေ့လိုက်ရသည်။ "မဖြစ်ပါဘူး၊ ခါတိုင်းနဲ့ အတူတူပါပဲ"