تحزمت بحزام راشي

الجزء 26

سفيان: (خنزر فيه معصب) صافي ال***** دوي معنا راجل ..راه ماشي ديال ضحك هادشي....

كمال: (حط رجليه فوق طبلة مزال تيضحك) واش انا لي گلت ليك سير  **ويها... ياك نتا كنتي تابعها تصرف عليها وهي كبر منك .. كنت نگولك مخداماش ليك.. ونتا مگابلني لا حنينة و كتفهمني....

سفيان: عقل صغر...

كمال: عقل ال**ب .. نوض دبا عند بوك گوليه راني **ويتها...

سفيان: (شد على راسو) كيف ندير نگولها ليه؟

ظلمتو ليا ولدي طلبو منو سماحة

رجع لدار راسو طايب ، تيفكر ويعاود يفصل ويخيط في هاد الحريرة .. ما عندوش الوجه اللي يدوي مع باه في هادشي .. وهو دائما كان مخلي فضايحو بعاد على واليديه..

_ جالسين مجموعين .. تيتعاودو .. خيرة شافت عندو بمعنى شنو تم ..  بان ليها ماشي هو هاداك .. هز ليها براسو و حك في دقنه مدور وجهو .. وشاف عند محمد اللي قالب وجهو عليه شاد في خاطرو حيت ما مشاش معه يخطب..! حتى مباركة غير تطلع فيه معاجبها حال..

سفيان: لواليد باغي ندوي معاك...

شاف لعنده محمد وناض تبعو سفيان عاض في لسانو .. و كيمرر يدو على وجهو .. حشمان منو وما عندو وجه يجبد معه موضوع بحال هذا... دخلو لصالة  لوخرى ومباركة متبعة ليهم العين بفضول ..

محمد: (جلسو كيتسناه يهضر)  اشنو تما ؟ ياكماتا نتا ما باغينش نتجوج !؟ صافي راه خطب و لگيت مراة لي توالمني..

سفيان: (شبك يديه مع بعضهم تيشوف هنا ولهيه معارف منين يبداه..) اودي معندي غير الله يسهل عليك .. غير هو سيدة لي خطبتي راه كنت تنعرفها...

محمد: (تقاد في جلسته دغيا عقد حجبانه ) كشفاشكنتي تعرفها؟؟  (بلع ريقه تزاد معاه الزايد..) اشمن نوع ديال المعرفة !؟

سفيان: عقل صغر راك عارف..

محمد: (شداتو الفقصة غير مبينش حتى طلعت معاه سخونية) گد مك !!

سفيان: (هرب عينيه منو حس براسو عرق وشف غير باش يوصلهالو) وهادشي لي كاين...

محمد بقى ساكت تسالاو ليه .. حتى قال لقا المراة لي حب خاطرو .. جا سي سفيان ضرب ليه كلشي في زيرو .. مالقا مايقول جمع الوقفة مخنزر فيه...

محمد: على قلتهم  الكيدار..؟؟ (دور راسو يمين شمال وخرج وخلاه)

نعسات ياقوت ما بقى عليها امتا تسولو .. شنو عندو حست بشي بلا كاين .. حيت حتى العشا ما تعشاش معاهم بكثرة ما عندو وجه يشوف في باه..

دخلات للحمام لقاتو تيبروسي سنانوو ..وقفات مزاحماه تتغسل في وجهها..

خرج من دوش وخرجات تابعاه تتمسح في وجهها .. تتسناه يعاود ليها بلا متسولو زعما.. فين ما دار دور معه .. عيات صابرة وهي تجيه نيشان...