စုရန်က လေးလေးနက်နက် တွေးနေပုံရပြီး စုယွိက "ဒါက အရမ်းရိုးရှင်းတယ်။ အဲဒါက ငါးခုပဲ ချိတ်ရမှာမလား၊ အဲဒါက အလျားလိုက်၊ ဒေါင်လိုက် ဒါမှမဟုတ် ထောင့်ဖြတ် ဘာပဲဖြစ်ဖြစ် ရတယ်ပေါ့။ စုတုရင်ထက် အများကြီး ပိုလွယ်တယ်"
ကုယွင်က မျက်ခုံးပင့်လိုက်ပြီး အပြုံးတစ်ဝက်နဲ့ "ဒါဆို နင် ငါ့နဲ့ အရင် ကစားကြည့်လေ"
"လာ ဒီကိုလာ!" စုယွိက ကုယွင်ရဲ့ မျက်နှာချင်းဆိုင်မှာ ထိုင်လိုက်သည်။ သူက စစ်တုရင်၏ စည်းမျဉ်းစည်းကမ်းများကို အများကြီးကို မကျွမ်းကျင်သော်လည်း ဒီရိုးရှင်းတဲ့ဂိမ်းမှာ သူ အရမ်းကြီး မဆိုးလောက်ဘူးဆိုတာ သေချာနေခဲ့သည်။
စုယွိရဲ့ရှေ့မှာ ချထားတာက အနက်ရောင်ဖြစ်နေတာကြောင့် ကုယွင်က ပြုံးလိုက်ပြီး "နင့်ကို အရင်စခွင့်ပြုတယ်၊ အနက်ရောင်ကနေ အရင် စလိုက်"
စုယွိက စတင်လိုက်ပြီး သူ့၏အနက်ရောင်အတုံးတစ်တုံးကို စစ်တုရင်ခုံအလယ်တွင် ထားလိုက်သည်။ ကုယွင်က ထိုအတုံး၏ညာဘက်ခြမ်းတွင် အဖြူရောင်အတုံးတစ်တုံးကို လျင်မြန်စွာ တင်လိုက်သည်။ စုယွိက နောက်ထပ်တစ်တုံးကို ထပ်နေရာချလိုက်သည်။ ကုယွင်က တွေးတောင်မတွေးဘဲ အဖြူရောင်တစ်တုံးဖြင့် အဆုံးတစ်ဖက်ကို ပိတ်ဆို့ထားသည်။ စုယွိက မျက်မှောင်ကြုတ်ကာ အပိုင်းတစ်ခုကို ထပ်ချလိုက်သည်။ ကုယွင်က ဦးတည်ချက်တစ်ခုဖြင့် သူ့လမ်းကို တားဆီးလိုက်ပြန်သည်။
သူသွားလေရာရာကို သူမက လိုက်တားနေသလိုပါပဲ။
စုယွိက တိတ်တဆိတ် ကျိန်ဆဲနေချိန်မှာပဲ ကုယွင်က တစ်စုံတစ်ရာကို နှိမ်ချချင်တဲ့ အပြုံးနဲ့ "နင် ရှုံးပြီ"
"ဒါက မြန်လိုက်တာ ဘယ်လိုမှ မဖြစ်နိုင်ဘူး၊ ငါ အတုံးနှစ်ဆယ်ကျော်ပဲ ထားရသေးတယ်!" စုယွိက သေသေချာချာ ပြန်ကြည့်လိုက်တော့ ကုယွင်က ငါးခုဆက်တိုက် ဆက်ပြီးသွားပြီပင်။
မယုံကြည်နိုင်သေးတဲ့ စုယွိက "နောက်တစ်ပွဲကစားရအောင်" ခုန သူသတိလက်လွတ်ဖြစ်သွားလို့ပါ၊ နောက်တစ်ခါဆို သူရှုံးမှာ မဟုတ်ဘူး။
ESTÁS LEYENDO
စစ်ဘက်ဆိုင်ရာတိုင်ပင်ခံ မျိုးဆက်များ
Ficción histórica"မှားယွင်းသော လက်ထပ်ခြင်းမှသည်..... ကောင်းမွန်သော အိမ်ထောင်သည်ဘဝဆီသို့...(၂)" MM Translation (Just for fun) Chapter 41 in complete "မွားယြင္းေသာ လက္ထပ္ျခင္းမွသည္..... ေကာင္းမြန္ေသာ အိမ္ေထာင္သည္ဘဝဆီသို႔...(၂)"
Chapter 4.6
Comenzar desde el principio
