“သွေးနံ့ရတယ်..”
ဝက်ဝံရုပ်လေးက ဘေးပတ်ဝန်းကျင်ကို အနံ့ခံလိုက်ရင်း.. : “သွေးနံ့က လတ်ဆတ်တယ်.. သေပြီးသားလူရဲ့သွေး မဟုတ်ဘူး.. သက်ရှိလူသားတစ်ယောက်ယောက်ရဲ့ သွေးအနံ့ပဲ..”
ရှင်းရှင်းနဲ့ ရှောင်ရှောင်ဖြစ်မယ်..!
မုန့်ခယ်သည် ခြေလက်များပင် ထုံကျင်လာသည်အထိ စိတ်ပူသွားရ၏။ ကျီယွင်ရှောင် သို့မဟုတ် မုန့်ရှင်း တစ်ခုခုဖြစ်သွားမှာကို တွေးကြောက်လာသည်။
“အဲ့သွေးနံ့ ဘယ်ကလာတာလဲ ရှာကြည့်ပေးလို့ရလား.. အဲ့နေရာကို ခေါ်သွားပေးပါလား..?”
ဝက်ဝံရုပ်လေးသည် သူမ၏ခေါင်းပေါ်မှ ခုန်ဆင်းပြီး အမြီးလေးဝှေ့ယမ်းကာ လမ်းပြပေးသည်။ မုန့်ခယ်က စိုးရိမ်တကြီးဖြင့် အနောက်က လိုက်သွားလေသည်။
တတိယထပ်သို့ ရောက်ခါနီးတွင် ဆူညံ့သံတချို့ စတင်ကြားရသည်။ ထို့နောက်တွင်မူ မိန်းကလေးတစ်ယောက်၏ ကြောက်လန့်တကြား အော်ဟစ်သံနှင့်အတူ သေနတ်သံများ ကြားလိုက်ရပြီး လူသူကင်းမဲ့သည့် ဆေးရုံကြီးထဲ ပဲ့တင်ထပ်နေတော့သည်။
ရှင်းရှင်းရဲ့အသံပဲ..!
မုန့်ခယ်၏ မျက်နှာအမူအရာက ချက်ချင်း ပြောင်းလဲသွား၏။ သူမ၏လက်နက်ကို ထုတ်ပြီး အမြန်ပြေးသွားလိုက်သည်။ ထောင့်ချိုးတစ်နေရာအရောက် မုန့်ရှင်းနှင့် ကျီယွင်ရှောင်ကို မြင်လိုက်ရပြီး သူတို့၏ ဘေးပတ်ပတ်လည်တွင် အလောင်းများ ပြန့်ကျဲနေသည်။
မုန့်ရှင်း၏လက်မောင်းတွင် သွေးများ ရွှဲစိုနေပြီး တော်တော်လေး ထိခိုက်ထားပုံရ၏။ သွေးဖြည့်ဆေးရည် သောက်ထားသော်ငြား သွေးထွက်နေသေးသဖြင့် သူမ၏မျက်နှာက ဖြူရော်နေသည်။
ကျီယွင်ရှောင်က သူမ၏အရှေ့တွင် ကာရပ်နေပြီး သူ၏ဒူးလေးဖြင့် ဇွန်ဘီခေါင်းကို ချိန်ရွယ်ကာ တစ်ချက်တည်း ရှင်းပစ်လိုက်သည်။ ပစ်ချက်က အလွန်တိကျသော်လည်း သူတို့၏ဘေးပတ်ပတ်လည်တွင် ဇွန်ဘီအများကြီး ရှိနေသေးသည်။ အကောင်ရေအတော်များများ ရှင်းပစ်ပြီးသော်လည်း ဇွန်ဘီအသစ်များက သူတို့ရှိရာသို့ တရစပ် ပြေးဝင်နေသည်။
YOU ARE READING
အသက်ရှင်နိုင်ဖို့အရေး အနမ်းတွေကို မှီခိုနေရဦးမယ်!
HorrorI rely on kisses to clear survival games. 90 Chapters + 9 Extras This is not my own. Totally Credited to original Author.
32 - Abandoned Hospital (End)
Start from the beginning
