စုရန်က ပခုံးတွန့်ပြပြီး ဘာမှ ထူးခြားတဲ့ပုံ မပြပေ။ တကယ်တော့ အိမ်တော်ထဲမှာ မိန်းခလေးတစ်ယောက်ရှိနေတာလည်း ကောင်းပါတယ်။ သူတို့မှာ ဘာမှလုပ်စရာမရှိတဲ့အခါ သူမ စိတ်လှုပ်ရှားနေတာကို စောင့်ကြည့်နေနိုင်သည်။
"ဘာကို မလိုချင်တာလဲ" ယောက်ျားတစ်ယောက်၏ အသံမာမာတစ်ခု ထွက်ပေါ်လာသည်နှင့် တပြိုင်နက် အရပ်ရှည်ရှည်နှင့် ခပ်ဖြောင့်ဖြောင့် အသွင်အပြင်က ခန်းမထဲမှာ ပေါ်လာသည်။ ခရီး ပင်ပန်းနွမ်းနယ်နေသော စုလင်းက အနက်ရောင် ချပ်ဝတ်တန်ဆာနှင့် ဦးထုပ်ကို ဝတ်ဆင်ထားဆဲဖြစ်ပြီး ဖယ်ရှားရန် အချိန်မလုံလောက်သေးပေ။
"ဘာမှ မဟုတ်ပါဘူး!" စုယွီက အားတင်းကာ နှစ်ခါလောက် ရယ်မောလိုက်ပြီး "အစ်ကိုကြီး ပြန်လာပြီလား"
စုရန်က သူ့ကို မျက်စောင်းထိုးလိုက်သည်။ အဓိပ္ပါယ်မရှိတဲ့လူ! အစ်ကိုကြီးက ဒီမှာရပ်နေတယ်လေ၊ သေချာပေါက် သူ ပြန်လာပြီပေါ့ကွ။
"အင်း" စုလင်းက အေးစက်စက်နဲ့ ခေါင်းညိတ်ပြလိုက်ပြီး သူ့ဦးထုပ်ကို ချွတ်ကာ လက်ဖက်ရည်တစ်ခွက် လောင်းထည့်ပြီး တစ်ကျိုက်တည်း မော့သောက်လိုက်သည်။
စုယွီက စုရန်ကို စိုက်ကြည့်နေပြီး သူ့အခန်းထဲရှိ မိန်းခလေးအကြောင်း စုလင်းကို ပြောပြရန် မျက်လုံးဖြင့် အချက်ပြနေသည်။ စုရန်က ခေါင်းငုံ့ပြီး ဘာမှ မမြင်ချင်ယောင်ဆောင်နေကာ သူ့မျက်လုံးများကို မှိတ်ထားလိုက်သည်။ စုယွီက ဒေါသတကြီးဖြင့် သူ့ပခုံးကို အပြင်းအထန် တွန်းလိုက်သော်လည်း စုရန်က သူ့ကိစ္စမဟုတ်သလို ပြုမူနေဆဲဖြစ်သည်။
နှစ်ယောက်သား တစ်ယောက်ကို တစ်ယောက် ကြည့်လိုက် တစ်ယောက်ကို တစ်ယောက် တွန်းလိုက် လုပ်နေကြသည်။ စုလင်းက စိတ်မရှည်တဲ့ လေသံအေးစက်စက်နဲ့ "မင်းတို့ နှစ်ယောက် ဘာဖြစ်နေတာလဲ။ သူရဲဘောကြောင် မနေနဲ့၊ ပြောစရာရှိရင် ပြောသာပြော"
သူက ချီတုံချတုံနဲ့ တိုးတိုးသက်သာ ပြောဆိုသူတွေကို မုန်းတယ်။ ပြီးတော့ စကားများများပြောပြီး အလုပ်သေချာမလုပ်တဲ့သူတွေကိုလည်း မကြိုက်ဘူး။ သူ ထွက်သွားတာ လအနည်းငယ်ပဲ ရှိသေးတာကို ဒီလူနှစ်ယောက်မှာ ဘယ်ကအကျင့်ဆိုးတွေ ပေါ်လာတာလဲ?
YOU ARE READING
စစ်ဘက်ဆိုင်ရာတိုင်ပင်ခံ မျိုးဆက်များ
Historical Fiction"မှားယွင်းသော လက်ထပ်ခြင်းမှသည်..... ကောင်းမွန်သော အိမ်ထောင်သည်ဘဝဆီသို့...(၂)" MM Translation (Just for fun) Chapter 41 in complete "မွားယြင္းေသာ လက္ထပ္ျခင္းမွသည္..... ေကာင္းမြန္ေသာ အိမ္ေထာင္သည္ဘဝဆီသို႔...(၂)"
Chapter 1.1
Start from the beginning
