" ဟယ်လို မင်းက..."
ဖုန်းတစ်ဖက်တွင် ရှီဖုန်းသည် ဇဝေဇဝါဖြင့် ဖုန်းကိုင်လိုက်လေသည်။ ဒါသည် သူ့သီးသန့်ဖုန်းနံပါတ်ပင်။ များသောအားဖြင့် မိသားစုနှင့် သူငယ်ချင်းများအတွက်သာ သုံးသည်။ သူ့အား အလွန်ဇဝေဇဝါဖြစ်သွားစေမည့် သူစိမ်းဖုန်းနံပါတ်က ဝင်လာခဲလေသည်။
သူမမိတ်ဆွေဟောင်းကြီး၏အသံကို ကြားလိုက်သည်တွင် ရှန်ယွဲ့၏စိတ်တို့သည့် ချက်ချင်းအားတက်သွားတော့သည်။ သူမက နှုတ်ခမ်းများကို ကွေးထားလိုက်ပြီး ကြည်လင်သည့်အသံဖြင့် ပြောလိုက်လေသည်။
" ရှီဖုန်း နင်အခုဘယ်မှာလဲငါ့ကို ပြော"
တစ်ဖက်မှ သူစိမ်းအမျိုးသမီးအသံသည် အလွန်တင်စီးပြီး ရှင်းမပြတတ်အောင်ရင်းနှီးနေသောကြောင့်လား မသိပေ တခြားလူများ၏မျက်လုံးထဲတွင် အမြဲလိုလို အထက်စီးဆန်ကာ အဖက်မလုပ်တတ်သည့် ရှီဖုန်းသည် အမှတ်တမဲ့ အမှန်အတိုင်း ပြန်ဖြေလုိက်တော့သည်။
" ငါ Sမြို့ကို အလုပ်ကိစ္စနဲ့ ရောက်နေတယ် ဘာလို့လဲ"
ငါလေးနဲ့ တကယ်ပဲ တစ်မြို့ထဲမှာပဲ။ ဒါက အရမ်းတိုက်ဆိုင်ပြီး အံ့ဩစရာကောင်းသွားပြီ။ ရှန်ယွဲ့၏အပြုံးသည် ပိုမိုလျှို့ဝှက်လာပြီး ညွှန်ကြားလိုက်လေသည်။
" ငါ့ကို တရားစွဲဆိုမှုတစ်ခု ကူပြီးလုပ်ပေး၊ ငါ အခု Sမြို့ရဲ့ပထမတန်းစားအထက်တန်းကျောင်းက ကျောင်းအုပ်ရုံးခန်းမှာ၊ တတ်နိုင်သမျှ မြန်မြန်လာပေး"
အလွန်မှတိတ်ဆိတ်ငြိမ်သက်နေသည့်ကျောင်းအုပ်ရုံးန်းထဲတွင် ရှန်ယွဲ့၏အသံတစ်ခုသာ ပဲ့တင်ထွက်နေလေသည်။ တခြားဆရာများကလည်း ရှန်ယွဲ့ ဘာလုပ်ချင်သည်ကို မသိကြဘဲ အချင်းချင်း အပြန်အလှန်ကြည့်နေကြ၏။ မစ္စလီကတော့ သူမ၏စိတ်တို့သည် ဗြောင်းဆန်သွားပြီး သူမ၏မျက်နှာထားကလည်း အလွန်မှစိတ်ဝင်စားစရာကောင်းသွားတော့သည်။
ဒီအရူးမ ရှန်ယွဲ့ တကယ်ကြီး သူတို့အားလုံးကို တရားရုံးမှာ တရားစွဲချင်နေတာပေါ့လေ။ သူ့ဦးနှောက် ပျက်သွားတာလား။ မစ္စလီက ထိုသို့တွေးလိုက်လေသည်။
YOU ARE READING
အထူးလုပ်ကြံရေးသမတစ်ယောက်ရဲ့ စာမျက်နှာသစ်
Romanceလုပ်ကြံသူအဖွဲ့တစ်ခုရဲ့ ပျိုးထောင်ခံလာရပြီး ၁၃နှစ်တာလေ့ကျင့်လာပြီးနောက်ပိုင်း ရှန်ယွဲ့ဟာ အသက် ၁၇နှစ်အရွယ်မှာတော့ အကောင်းဆုံးလုပ်ကြံရေးသမား ဂုဏ်ပုဒ်ကိုရခဲ့ပြီးတော့ လုပ်ကြံရေးသမားတွေကြားမှာ ပြိုင်ဘက်ကင်း legendတစ်ယောက်ဖြစ်လာခဲ့တယ်။ legendတစ်ယောက်ဖြစ်လာ...
အပိုင်း (၇၀) တရားရုံးမှာတွေ့မယ်
Start from the beginning