သင်္ချာဘာသာရပ် တာဝန်ခံဆရာမှာ မစ္စလီဖြစ်ပြီး ပြီးခဲ့သည့်အခေါ်က ရှန်ယွဲ့ကို အခန်းထဲတွင် ပြဿနာဖြစ်အောင် တမင်လုပ်ခဲ့သူဖြစ်လေသည်။ တစ်ခန်းလုံးကို သင်္ချာအဖြေလွှာများ ဝေပေးလိုက်ပြီးနောက် မစ္စလီက တစ်ခန်းလုံး အေးအေးဆေးဆေး ကြည့်လိုက်ကာ ပြောလိုက်၏.
" ငါ့တူလေး လီရွှီက ဒီလပတ်စာမေးပွဲမှာ ပထမရခဲ့တယ်၊ သူ ၆၇၅မှတ်ရခဲ့တယ်လေ၊ သူတို့ထဲမှာ သင်္ချာက ၉၉မှတ်ရတယ် တစ်ကျောင်းလုံးမှာ အများဆုံးပဲ"
အထက်တန်း တတိယနှစ် တစ်ခုလုံးမှာ ၉၉မှတ်က အမြင့်ဆုံးအမှတ်တဲ့လား။ ဒါဆို ငါလေးရဲ့ သင်္ချာအမှတ်ပြည့်ရတာကရော။ ရှန်ယွဲ့သည် လက်ပိုက်ကာ မစ္စလီက သူမ၏အဆင့် ၁ တူလေးအား ချီးကျူးထောပနာပြုနေသည်ကို နှုတ်ဆိတ်ရင်း ကြည့်နေလိုက်တော့သည်။
"မစ္စလီကတော့ ထပ်လုပ်ပြန်ပြီ၊ အတန်းမစခင် အမြဲတမ်းပဲ အတန်းနဲ့မဆိုင်တာတွေကိုပဲ နားပူအောင်ပြောနေတာ အရမ်းစိတ်ပျက်ဖို့ကောင်းတာပဲ"
နောက်တန်းမှ ကောင်မလေးတစ်ယောက်က ခပ်တိုးတိုး ညည်းညူလိုက်လေသည်။
သူမနှင့်တစ်ခုံတည်းထိုင်သည့်ကျောင်းသူလေးက မစ္စလီကို ခိုးကြည့်လိုက်ပြီး စာအုပ်ရှည်ကြီးတစ်ခုနှင့်ကွယ်ကာ ဆက်ပြောလေသည်။
" ဟုတ်ပါ့၊ သူက နေ့တိုင်း ထူးချွန် အကျင့်ကောင်း သိတတ်လိမ္မာတဲ့ သူ့တူအကြောင်း ကြွားဖို့ပဲ သိတယ်၊ မသိရင် လီရွှီက သူ့သားအရင်းကျနေတာပဲ"
"အေးလေ အေးလေ သူအဲလို သဘောကျမှတော့ သူလည်း တစ်ယောက်လောက်မွေးလိုက်ပါလား၊ ပြီးခဲ့တဲ့တစ်ခေါက်တုန်းက သူ့မှာ ကိုယ်ဝန်မရလို့ဆိုပြီး ဌာနမှူးနဲ့ လှေကားနားမှာ ရန်ဖြစ်နေတာတောင် တွေ့လိုက်သေးတယ်" နောက်တစ်ယောက်က ထပ်ပြောလိုက်၏။
" သူနဲ့ဌာနမှူးဟုတ်လား၊ သူတို့နှစ်ယောက်က ဘယ်လိုပက်သတ်တာလဲ"
" သူ့ယောက်ျားက အဲဒီထိပ်ပြောင်ဌာနမှူးလေ၊ ငါတို့ရဲ့ဘာသာရပ်ဆရာမက သူနဲ့မိတ်ဆက်ပေးလို့ သိခဲ့တာ နင်က အခုမှ သိတာလား"
ကောင်လေးက စနောက်ရင်းတခစ်ခစ် ရယ်လေသည်။
စင်အောက်က စကားကသံကိုကြားလိုက်သဖြင့် မစ္စလီသည် စားပွဲကို ရိုက်လိုက်ပြီး မျက်နှာပြောင်းကာ ပြောလိုက်လေသည်။
YOU ARE READING
အထူးလုပ်ကြံရေးသမတစ်ယောက်ရဲ့ စာမျက်နှာသစ်
Romanceလုပ်ကြံသူအဖွဲ့တစ်ခုရဲ့ ပျိုးထောင်ခံလာရပြီး ၁၃နှစ်တာလေ့ကျင့်လာပြီးနောက်ပိုင်း ရှန်ယွဲ့ဟာ အသက် ၁၇နှစ်အရွယ်မှာတော့ အကောင်းဆုံးလုပ်ကြံရေးသမား ဂုဏ်ပုဒ်ကိုရခဲ့ပြီးတော့ လုပ်ကြံရေးသမားတွေကြားမှာ ပြိုင်ဘက်ကင်း legendတစ်ယောက်ဖြစ်လာခဲ့တယ်။ legendတစ်ယောက်ဖြစ်လာ...
အပိုင်း (၆၅) ကလိမ်ကျတဲ့ နည်းလမ်းတစ်ချို့
Start from the beginning