"ရွက်ကြွေအတွက်အစ်ကိုအဆင်ပြေမှာကလည်းအဓိကနည်းနည်းတော့ကျပါတယ်။ ရွက်ကြွေကိုခေါ်လာခိုင်းတဲ့အစ်ကိုသူဌေးဆီရွက်ကြွေကိုလိုက်ပို့ပေးတော့လေ။"
ရွက်ကြွေ၏ပထမစကားတွင်ပျော်ရွှင်ရပုံရသော်လည်းဆက်၍ထွက်လာသောရွက်ကြွေ၏စကားတွင်မပျော်ရွှင်တော့ပုံရသွားသည့်တိုင်ရွက်ကြွေစကားအတိုင်းကားကိုရပ်နေရာမှမောင်းထွက်ရန်စက်နှိုးလိုက်ပြီး
"သူဌေးဘက်ကပြောလာမယ့်စကားအတိုင်းသာဖြေပါ။ ဒီရက်ပိုင်းကိစ္စတွေကိုကျွန်တော်တတ်နိုင်သလောက်ဖြေရှင်းထားပါတယ်။ ခါးပတ်လေးလည်းပတ်ထားပေးပါ မမလေး။"
သက်တော်စောင့်အစ်ကိုကပြောရင်းကားစမောင်းသဖြင့်ရွက်ကြွေလည်းခါးပတ်ကိုသာသေချာပတ်လိုက်မိသည်။ တစ်နာရီနီးပါးအချိန်ကြာပြီးနောက်ရွက်ကြွေတို့နှစ်ယောက်အိမ်တော်ရှေ့သို့ရောက်လာခဲ့ကြသည်။
.
ကားရပ်လိုက်သည်နှင့်သက်တော်စောင့်အစ်ကိုကကားတံခါးလာဖွင့်ပေးသည်။ ရွက်ကြွေကားပေါ်ကဆင်းသည်နှင့်ဦးကြီးရှိနေလောက်မည့်စာကြည့်ခန်းသို့တန်းလျှောက်လာခဲ့သည်။
"ဒေါက် ဒေါက် ဒေါက်"
"ဝင်ခဲ့"
တံခါးခေါက်သံအဆုံး၌ထွက်လာသောပြန်ဖြေသံကြောင့်ရွက်ကြွေတံခါးကိုဖွင့်ကာစာကြည့်ခန်းထဲသို့ဝင်လာခဲ့သည်။
"ရွက်ကြွေကိုခေါ်ခိုင်းတယ်ဆိုတာက"
"အခုမှရောက်လာတာလား ရွက်ကြွေ။"
တစ်ဆက်တည်းဆိုသလိုထွက်လာသည့်စကားသံနှစ်ခုကြောင့်ရွက်ကြွေနဲ့ဦးကြီးတို့တစ်ယောက်ကိုတစ်ယောက်စိုက်ကြည့်ဖြစ်လိုက်သည်။
"မနေ့ကရွက်ကြွေတိုက်ခန်းမှာမရှိဘူး ဦးကြီး။ ရွက်ကြွေအလုပ်ကိစ္စနဲ့ရုံးကပြန်မလာဖြစ်ဘူး။"
ရွက်ကြွေအကြည့်တို့ကိုမလွှဲပဲအရင်ဖြေလိုက်တော့ဦးကြီးက
"အရင်ထိုင်ပါအုံး ပြောရမယ့်စကားတွေကနည်းနည်းများတယ်။ တစ်ခုခုသောက်ချင်သေးလား။"
"မသောက်တော့ပါဘူး။ ရွက်ကြွေမနားပဲလာခဲ့ရလို့မြန်မြန်ပြန်ချင်တယ်။"
Chapter - 31 [ Uncle's Idea ]
ابدأ من البداية
