Unicode Version
အခန်း - ၃၁
ဦးလေး၏အကြံ
ကားလမ်းတစ်ဖက်တစ်ချက်စီမှာရှိနေသောစိမ်းစိုစိုသစ်ပင်ကြီးများနှင့်ညနေခင်းနေမင်းကြီးကိုကောင်းကင်ပြာပြာကကျောထောက်နောက်ခံပြုနေသောဤမြင်ကွင်းကကြည့်နေသောရွက်ကြွေအတွက်သက်ရှိပန်းချီကားကြီးသဖွယ်။ ရွက်ကြွေလိုက်ပါစီးနင်းနေသောတရွေ့ရွေ့မောင်းနှင်နေသည့်ကားလေး၏ဘေးကထိုမြင်ကွင်းကိုရွက်ကြွေကြည့်နေသော်လည်းရွက်ကြွေအတွေးတို့ကလွန်ခဲ့သောနာရီအချို့သို့သာရောက်ရှိနေမိသည်။
"ဒေါက် ဒေါက်"
"ကျွီ"
ရွက်ကြွေ၏ကားမှန်တံခါးကိုထိခေါက်သံကြောင့်ကားအတွင်းရှိနေသောသက်တော်စောင့်အစ်ကိုကကားမှန်ကိုချလိုက်ကာအံ့သြဟန်ဖြင့်
"မမလေး မမလေးဘယ်ကပေါ်လာတာလဲ။ ကျွန်တော်မနက်ကမမလေးတိုက်ခန်းကိုလာကြည့်ပေမယ့်တံခါးကသော့ခတ်ထားတယ်။"
"ရွက်ကြွေ အလုပ်သွားတာ။"
"အလုပ်သွားတာဆို အစောကြီးပြန်ရောက်တာလား မမလေး။"
ရွက်ကြွေစကားအဆုံးတွင်သက်တော်စောင့်အစ်ကိုကအံ့သြစွာဆိုလာသဖြင့်ရွက်ကြွေကပင်ဆက်၍
"အလုပ်မှာခွင့်ကနှစ်ရက်တောင်ရှိနေပြီဆိုတော့အကျိုးအကြောင်းပြောရင်းလက်စအလုပ်သွားတက်သွားတာလေ။ ပြီးတော့အလုပ်ကအစ်မကိုအလုပ်စောစောဆင်းဖို့အကျိုးအကြောင်းပြောပြီးခပ်စောစောထွက်လာတာ။"
"အဲဒါဆိုရင်အစကတည်းကမသွားပါနဲ့လား မမလေးရယ်။ မမလေးကလည်း နေကဖြင့်ကောင်းသေးရဲ့လားမသိတာကို။"
"မနေ့ကဝယ်ပေးတဲ့ဆေးတွေကြောင့်ကောင်းကောင်းသက်သာသွားလို့ ရွက်ကြွေအလုပ်သွားတာပါ။"
စိုးရိမ်စွာပြောလာသောသက်တော်စောင့်အစ်ကို၏စကားကိုရွက်ကြွေသေချာဖြေရှင်းကာပြောလိုက်မှသက်တော်စောင့်အစ်ကိုကစိတ်ချသွားဟန်နဲ့
"မမလေး အဆင်ပြေဖို့ကအဓိကပါပဲဗျာ။ ဒါနဲ့ဘာလုပ်တာလဲ မမလေး။"
ခပ်တိုးတိုးရေရွတ်လာသည့်သက်တော်စောင့်အစ်ကိုကကားထဲဝင်ထိုင်သောရွက်ကြွေကိုကားမှန်ထဲကတွေ့သွားတော့ခပ်ကျယ်ကျယ်ဆိုလာသည့်စကားကိုရွက်ကြွေခပ်ပြုံးပြုံးဖြင့်ပြန်ဖြေမိသည်က
