រឿង ពន្លត់ចិត្តស្អប់ (GL Story)

Part 24

ភាគទី 24

<< ត >>

   “ស្រីបម្រើ!”ប៊ែលឡាពោលពាក្យថា”ស្រីបម្រើ”ទាំងទឹកមុខស្មើរប្រៀបដូចជាគ្មានអារម្មណ៍អ្វីប៉ះទង្គិចចំពោះពាក្យនេះបន្តិចសោះឡើយ ។ ខុសពីរាងស្តើងដែរឈរអោនមុខចុះទាំងអាក់អន់ស្រពោនចិត្ត  តាមពិតនាងមិនគួរមកអាក់អន់ចិត្តចំពោះពាក្យសម្តីរបស់គេទេតែនាងគួរតែសប្បាយចិត្តដែលគេមិនបានគិតអ្វីលើសពីនេះចំពោះកូនឃាតករដូចជានាង ។

   “បើដូចនេះអូនអាចប្រើនាងបានពិតទេ?”នារីសិចសុីទាន់សម័យរូបរាងល្អស្រស់ឆើតឆាយសាកសមជាតារាស្រីប្រចាំប្រទេសឆេកបានចោទជាសំណួរទៅកាន់ប៊ែលឡាស្របនឹងចិត្តគំនិតបង្កប់ដោយភាពពិសពុលល្បិចកល ។

   “ប្រាកដណាស់!”ប៊ែលឡា

   “បើចឹងនាងជួយទៅយកទឹកក្តៅឲ្យយើងមួយកែវមក អូហ៍..កុំភ្លេចក្តៅឲ្យខ្លាំងផងណា!”ទទួលបានការយល់ព្រមឲ្យខ្លួនប្រើទៅអ្នកបម្រើស្រីនៅចំពោះមុខនេះហើយសូហ្វៀក៏ចង្អុលដៃពន់ពេនខ្លួនកាច់រឹកកាច់រាងបញ្ចេញយ៉ាងសុំាញុំាជាទីបំផុត តែរាងស្តើងក៏មិនបានប្រកែកអ្វីច្រើនក្រៅពីឆ្លើយថា :

(នេះចែសូហ្វៀ ហៅក្រៅ សុភាសិត🗿)

   “ចាស៎ ចាំខ្ញុំទៅយកមកឲ្យ”ថារួចភីតឈីក៏ប្រញាប់ចេញទៅធ្វេីតាមពាក្យពេចន៍បញ្ជារបស់សូហ្វៀដោយខានមិនបាន ។

   ហុឹម!

   គ្រាន់តែភីតឈីចេញទៅផុតប៊ែលឡាក៏គ្រហឹមក្នុងបំពង់ក.បន្តិចខណៈដៃទាំងគូរដែលអោបក្រសោបរាងកាយសូហ្វៀអម្បាញ់មិញនេះក៏ត្រូវប្រលែងចេញមួយរំពេចឯខ្លួនប្រាណរបស់ពួកគេទាំងពីរក៏រក្សារយៈចម្ងាយពីគ្នា ។