အဓိက ဇာတ်လိုက်နဲ့ လက်ထပ်ခြင်း (ဘာသာပြန်)

အပိုင်း ၂၄

Unicode

အဓိက ဇာတ်လိုက်နဲ့ လက်ထပ်ခြင်း

အပိုင်း ၂၄

အနက်ရောင် SUV ကားက ဗီလာထဲ တဖြည်းဖြည်း မောင်းဝင်သွားခဲ့သည်။ ကားရှေ့မီးတွေက လမ်းကို လင်းထိန်နေစေပြီး အပြင်မှာ နေသာနေတယ်လို့တောင် ထင်ယောင်ထင်မှားဖြစ်စေသည်။

ချန်အိမ်တော် ရောက်ခါနီးမှာ ကားမောင်းတဲ့လူက လှည့်ပတ်ကြည့်ခဲ့သည်။ ရှေ့ကိုကြည့်ကာ လမ်းကို လေးလေးနက်နက် ခွဲခြမ်းစိတ်ဖြာပြီး ကားပါကင်မှာ ကျွမ်းကျင်စွာ ရပ်လိုက်သည်။ ခဏအကြာ ကားရပ်ပြီး သော့ကို ဖြုတ်လိုက်ကာ ကား ရှေ့လမ်းမီးကလွဲပြီး ကားက ချက်ချင်း အမှောင်ထဲ နစ်မြုပ်သွားကာ အလင်းက လေကာမှန်မှတဆင့် တဖြည်းဖြည်း ထိုးဖောက်ဝင်ရောက်လာပြီး သူတို့ မျက်နှာကို ထွန်းလင်းတောက်ပစေခဲ့သည်။

မော့ကြည့်လိုက်တဲ့အခါ မီးဖွင့်ထားတဲ့ သီးသန့်အိမ်ကြီးနှစ်လုံးကို တိုက်တိုက်ဆိုင်ဆိုင် တွေ့လိုက်ရသည်။

ရန်ချန်းက ထိုင်ခုံခါးပတ်ကို ချွတ်ရင်း ရုတ်တရက် တစ်စုံတစ်ရာကို တွေးနေမိသည်။ သူ မျက်လုံး အနည်းငယ် မှေးလိုက်ပြီး နောက်ထိုင်ခုံတွင်ထိုင်နေတဲ့ သူကို သတိမထားမိဘဲ ငေးကြည့်နေမိသည်။ တစ်စုံတစ်ခုကို ပြောဖို့နှုတ်ခမ်း သပ်လိုက်သည်။ သူမျက်မှောင်ကြုတ်ပြီး စက္ကန့်အနည်းငယ်လောက် စဉ်းစားကာ အဖြေမရမှန်း သိတာကြောင့် ရပ်ခဲ့သည်။

အခုအချိန်ထိ ချန်ကျင်းယောင်က ခေါင်းငုံ့နေဆဲဖြစ်ပြီး ဘာလို့လဲဆို သူမက အဝတ်အစားအထူ ကြီးဝတ်ထားတာကြောင့် ထိုင်ခုံခါးပတ် ဖြုတ်ဖို့ ခက်ခဲခဲ့သည်။ သူမရဲ့ လုပ်ရပ်တွေက မိုက်မဲတာကြောင့် ခဏလောက် အံသြသွားမိသည်။ သူမ တုန်လှုပ်သွားကာ နောက်ဆုံးတွင်  စိတ်ပူပြီး စိုးရိမ်လာသည်။ ဒါတောင်မှ ထိုင်ခုံခါးပတ်ကို မဖြုတ်နိုင်ခဲ့ဘူး။

ရန်ချန်းက အဲ့ဒါကို ကြည့်ပြီး သည်းမခံနိုင်တော့ဘူး။ ဒါကြောင့် သူက သူမ ထိုင်ခုံခါးပတ်ကိုဖြုတ်ဖို့ ကူညီခဲ့သည်။

"မင်းက အရမ်းတုံးတာပဲ!" သူက နှာခေါင်းရှုံ့ပြီး မလှောင်ပြောင်ဘဲမနေနိုင်ခဲ့ပေ။