မျက်ခုံးပင့်ပြကာ ပြောင်စပ်စပ်နှင့်မေးလာလေသည့်အခါ ရွှေကူ့တွင်အဖြေမရှိပါ။
"တစ်ခါနမ်းပေး အဲ့ကျရင်လွှတ်ပေးမယ်ကွာ ဘယ်လိုလဲ"
"ဟင်.. အကိုလေးကမျက်နှာလဲမသစ်ရသေးပဲနဲ့"
မျက်နှာလေးရဲကာ ကွန့်မြူးကိုကြည့်၍ ပြောလာသည့်အခါ အလိုလိုထပ်၍စချင်လာရတော့သည်။
"ဟား အဲ့တော့မနမ်းချင်ဘူးပေါ့လေ"
"အွန်း မျက်နှာမသစ်ရသေးပဲနဲ့နမ်းရင် ကိုယ်စောင့်နတ်ကကြိမ်ဆဲတယ်တဲ့"
"ကိုယ်မကြားဖူးပါဘူး"
"အကိုလေးမျက်နှာသစ်ပြီးမှ ကိုယ်စောင့်နတ်က နတ်သဘင်အစည်းဝေးသွားရတာမလား အကိုလေးကမျက်နှာမသစ်ရသေးပဲနမ်းတော့ သူကမနာလိုပြီး ကြိမ်ဆဲမှာပေါ့လို့"
"ဟား ဟား.. ဟုတ်သားနော် ကိုယ့်ကိုယ်စောင့်နတ်က Fa ကြီးဆိုတော့ ကြိမ်ဆဲလောက်တယ်"
"နော်ဆို "
ရင်ခွင်ထဲကိန်းအောင်း၍ စပြောသူကောင်မလေးက တစ်ခစ်ခစ်နှင့်ရယ်လာလေသည့်အခါ ကွန့်မြူးသဘောတွေအတော်ကျသွားရတော့သည်။ ဒီကောင်မလေး ပေါက်ကရလေးလဲပြောတတ်သားပဲနော်။ ပြီးတော့ကိုယ်တိုင်သဘောတွေကျပြီး ရယ်နေပုံလေးက ချစ်စရလေးပါဗျာ။
"ဘာပဲဖြစ်ဖြစ်နမ်းကွာ "
ရွှေကူ့မှာ ရယ်သံလေးရပ်တန့်သွားရတော့သည်။
"နမ်းဘူး "
"စမ်းနေတာလားကိုယ့်ကို"
"အကိုလေးနော် ဘာလုပ်အုံးမလို့လဲ မနက်အစောကြီးဖက်လဲဖက်ထားသေးတဲ့ဟာကို"
ရွှေကူငြူစူမိသည်က အကိုလေးကလူကိုမလွှတ်ပေးပဲ ဆက်၍ဖက်ထားသည်ကြောင့်ပင်။
"နမ်းခိုင်းတာကျမနမ်းဘူး ပေါက်ကရလေးတွေပြောပြီးရှောင်တယ်နော် ထပ်နမ်းခိုင်းတော့လဲငြင်းတယ် ပြီးတော့ကိုယ့်ကိုလွန်တယ်လို့ပြောအုံးမယ် ကောင်မလေး မင်းလေးဘာတွေတွေးနေတာလဲပြောပါအုံး "
"ရွှေကူကဘာတွေးလို့လဲ အကိုလေးပဲနောက်ကျမှလဲထသေးတယ် လာနှိုးတဲ့လူကိုလဲအနိုင်ကျင့်သေးတယ် ဟွန့်.."
Part 💭 37
Comenzar desde el principio