ကိုယ့်ကိုစိမ်းနေသေးလို့များလားအချစ်ကလေးရယ်။
ရွှေကူကလဲချစ်ရသူဆိုပေမယ့် ဒီလိုကြီးအမြန်အဆန်ကြီး နီးစပ်မနေချင်သည့်အဖြစ်မှာ ရွှေကူ့စိတ်ထဲကိန်းအောင်း၍နေလေတော့သည်။ ရွှေကူတို့ကြား စည်းလေးတော့ထားချင်မိသေးသားပင်။ အကိုလေးကရည်းစားတွေများဖူးတော့ ရွှေကူတို့အရမ်းကြီးလက်ပွန်းတတီးနေမိလျှင် ရွှေကူ့ကိုလဲအလေးမထား ထားခဲ့မှာဆိုးမိသည်။ ရွှေကူတို့အချိန်လေးနဲနဲယူပြီးမှ တစ်ဖြေးဖြေးလက်ကိုင်ပခုံးဖက်တဲ့အဆင့်လေးတွေကို သွားချင်တယ်အကိုလေးရယ်။
တစ်မနက်လုံးမနားပဲ စာလေးတွေဖက်လိုက် လက်မှတ်လေးတွေထိုးလိုက်နှင့် ကောင်မလေးတော့ပင်ပန်းနေတော့မည်။ နားခိုင်းပေမယ့်လဲမနား ရပါတယ်ကြည့်ပြောကာ ကွန့်မြူးဘေးမှာထိုင်၍ စာရွက်တွေနှင့်အလုပ်ရှုပ်နေသည့်ကောင်မလေးကို ကွန့်မြူးမေးလေးထောက်ကာကြည့်နေမိတော့သည်။ မျက်မှန်အနက်ကော်ဂိုင်းလေးနှင့်ကောင်မလေးက မှန်ကြောင်မလေးပီပီချစ်စရာအလွန်ကောင်းနေလေသည်။ မျက်တောင်ရှည်ရှည်လေးတွေကို ပုတ်ခက်မှိတ်ကျလိုက်သည့်အခါများဆို ကွန့်မြူးငေး၍ကြည့်နေမိသည်မှာလဲ အခါခါပင်ဖြစ်တော့၏။ ပါးလေးများဆိုရဲလို့နေပြီး နှုတ်ခမ်းပါးပါးလေးမှာလဲ စိုတတ်၍ ပန်းနုရောင်လေးသန်းနေသေးသည့်ပုံလေးကို ဘေးမှတစိမ့်စိမ့်ထိုင်ကြည့်နေမိသည်။ အွန်း ဖက်နမ်းချင်လာပြီကောင်မလေးရယ်။
"ကဲ.. ပြီးပြီ "
"ပင်ပန်းသွားပြီလားကောင်မလေး"
"ဟီး.. နဲနဲပေါ့ ရွှေကူကစာရွက်တွေမှားထိုးမိမှာကြောက်လို့စိတ်ပင်ပန်းနေတာ အခုတော့ရပြီ"
ကောင်မလေးကဘောပင်လေးပစ်ချကာ လက်ခလေးတွေကိုအသံမြည်သည်အထိ ချိုးနေ၍အရယ်အပြုံးမပျက်ပြောလာလေတော့သည်။
"ကိုယ်နှိပ်ပေးရမလား"
"ဟင် ရပါတယ်အကိုလေးရဲ့ရွှေကူမညောင်းတော့ဘူးအခု"
ရွှေကူကလည်ပင်းလေးညောင်းလို့ခေါင်းလေးစောင်းကာ ဇာတ်ပိုးလေးကိုနှိပ်နေမိသည်ကို နှိပ်ပေးမည်လာလုပ်သည့်အကိုလေးလက်ထဲမှရွှေကူရှောင်ထွက်လိုက်တော့ ခုံလေးပါနောက်ဆုတ်သွားရတော့သည်။ ရွှေကူလဲအရမ်းကြီးမှမညောင်းပဲ အကိုလေးကပြီးတော့ရွှေကူ့ကိုအဲ့လိုလုပ်ပေးစရာမလိုပါဘူးအကိုလေးရယ်။ တဂယ်ဆိုရွှေကူက ပြန်ပြီးနှိပ်နယ်ပေးရမှာမဟုတ်လား။
Part 💭 34 (U&Z)
Start from the beginning