بدأ هشام بالعزف ثم بدأ بالغناء :
- و أنا قاعد سهران .. سهران في مكان .. مع ناس حلوة .. مع ناس حلوة .. دخلت واحدة .. عملت قلبان .. كلنا قومنا و قولنا .. مين الحلوة .
أكمل و هو ينظر سيلين بحب :
- من لون الفستان .. للكحل المرسوم عالعين .. قلبتها جنان .. هي دي جايبة جمالها منين .
ضحكت سيلين بخجل و هي تنظر له بحب .. أخذها في حضنه و أكمل العزف و الغناء و هو ينظر لها كل حين و آخر .
بعد أن إنتهى قالت سيلين :
- إنت إزاي كدة .. بجد إنت رائع ما شاء الله عليك .
قال هشام بمشاكسة :
- والله إنتِ إللي رائعة .
ضحكت سيلين فقال هشام و هو يتنهد بتعب :
- ما تيجي ننام أنا مش قادر .
- إنت إللي بتقول كدة دلوقتي ؟!
ضحك هشام :
- أه .. يا ستي مرة من نفسي .
- طيب ماشي يلا .
نهضا و ذهبا نحو الخيمتين فقالت سيلين :
- تصبح على خير يا حبيبي .
إحتضنها هشام :
- و إنتِ من أهله .
تركا بعضهما و نام كل منهما في خيمته .
مر بعض الوقت و كانت سيلين تنظر إلى سقف خيمتها و هي تحاول النوم .
فجأة وجدت سحاب الخيمة يُفتح و أدخل هشام رأسه و قال :
- لسة صاحية ؟
إعتدلت سيلين و هي تقول بضحك :
- روح خيمتك يا هشام .
دخل هشام و نام بجانبها :
- خيمتك أدفى من خيمتي مش عارف أنام من الساقعة .
- يا نصاب الجو مش برد أوي أصلًا .
دخل هشام في حضنها :
- اااه الجو برد دفيني .
قالت سيلين بنُعاس :
- إنت كداب على فكرة .. طب بص هسيبك بس بشرط .
قبّل هشام خدها و هو محتضنها و يقول :
- قولي .
- أوعدني إني أول ما أنام تقوم .
- ما أنا هستفيد إيه كدة هفضل بردان .
- إنت مش جاي عشان بردان يا هشام متستهبلش .
ضحك هشام و أمسك ذقنها و هو ينظر لها :
- فضحاني إنتِ .
ضحكت سيلين فقال هشام :
- طيب خلاص أوعدك أول ما تنامي هقوم .
فعلا حركة الوعد بإصبعهما الصغير ثم إحتضنها هشام بشدة و يملس على شعرها .
نادته سيلين و هي شبه نائمة :
- هشام .
أجابها هشام و هو مغمض عينيه :
- امممم .
لم تقول سيلين شيئًا فأيقن أنها قد نامت بدون حتى النظر لها فضحك و قبّل جبينها ثم نهض في هدوء و ذهب إلى خيمته .
~ في صباح اليوم التالي ~
نهض هشام مذعورًا فذهب إلى خيمة سيلين و صاح فيها :
- سيلـــــــين .. قومي بسرعة الطيارة كمان ساعتين .
أنت تقرأ
عشق من نوع آخر
Romanceماذا لو إكتشفنا أننا لسنا المخلوقات الوحيدة في هذه الدنيا .. و أنه يوجد عالم آخر لا نعلم عنه شيئاً .. سوى الدول العظمى و تُخبئها و تكتم على أخبارها بطريقة مُريبة ! .. هيا بنا نكشف هذه الأخبار .
