~ في بيت سيلين ~
كانوا جالسات يشاهدن المسرحية و هم يتناولون الغداء .. بعد أن إنتهوا ظلوا يتحدثوا حتى حلّ الليل فرحلا و تواعدوا أن يتقابلوا في فرنسا مجددًا .. بعد رحيلهم دخلت سيلين إلى غرفتها و بدأت تستعد لتنام فوجدت هاتفها يرن .
أجابت سيلين و هي تضحك :
- عايز إيه ؟- الله ! الحق عليا بطمن عليكي ؟
- والله ؟ غايب عني طول النهار و في الآخر تقولي الحق عليا بطمن عليكي ! .. لأ كتر خيرك والله .
- كنت عايز أسيبك براحتك مع صحابك والله لكن كنت عايز أكلمك كل شوية أطمن عليكي .. و بعدين يا ظالمة لو كنتِ فتحتي الواتساب كنتِ هتشوفي رسايلي .
- معرفتش أمسك الموبايل خالص كنت مشغولة معاهم أوي معلش .
- اممم ماشي .. المهم أنا محضرلك مفاجأة على آخر الأسبوع .
- الله .. كويس إنك قولتلي عشان ألحق أحضر نفسي عشان كل مرة بتفاجئني على غفلة كدة .
- شوفتي بقى .. عرفتي كنت مشغول في إيه طول النهار ؟
قالت سيلين بسعادة :
- هي حاجة كبيرة أوي كدة ؟- أيون .. هتعجبك أوي .
لمعت عينا سيلين بحماس و سعادة :
- الله يا هشام حمستني .. يا رب الأسبوع دة يعدي بسرعة .. هيبقى يوم إيه طيب ؟- السبت الجاي .
- يا مسهل .. أنا هروح أنام مش عايز حاجة ؟
- سلامتك .. هجيلك الصبح .
- ماشي .. يلا تصبح على خير .
- و إنتِ من أهله .
أغلقت سيلين الخط و نامت على جانبها و على شفتيها إبتسامة سعيدة .. أغلقت عينيها بإرتياح و نامت .
~ بعد 4 أيام ، في الصباح الباكر ~
نزلت سيلين من بيتها و هي تسحب حقيبتها الجرارة وراءها .. وجدت هشام ينتظرها بسيارته أمام العمارة فنزل من السيارة و أخذ منها الحقيقة و وضعها في حقيبة السيارة ثم جلسا في السيارة و تحرك هشام إلى المطار .
نظرت سيلين له و هو سائق :
- بردو مش هتقولي رايحين فين ؟قال هشام و هو ناظر إلى الطريق :
- لأ .. إصبري لما نوصل المطار هتعرفي .كتفت سيلين ذراعيها و نظرت إلى الخارج من النافذة :
- هتفضل طول عمرك فيك الطبع دة .- و إنتِ هتفضلي زنانة و فضولية .
نظرت له سيلين و رفعت حاجبيها :
- والله ! .. أنا من حقي أعرف أنا رايحة فين على فكرة .نظر لها هشام و قال بحب :
- طول ما إنتِ معايا مش عايزك تشغلي بالك بأي حاجة .. كإنك مع باباكي .. ماشي يا صغنن ؟
BẠN ĐANG ĐỌC
عشق من نوع آخر
Lãng mạnماذا لو إكتشفنا أننا لسنا المخلوقات الوحيدة في هذه الدنيا .. و أنه يوجد عالم آخر لا نعلم عنه شيئاً .. سوى الدول العظمى و تُخبئها و تكتم على أخبارها بطريقة مُريبة ! .. هيا بنا نكشف هذه الأخبار .