"ကောင်မလေး တတ်လေဘာလုပ်နေတာလဲ"
"ဟို..ရွှေကူ့ဆိုင်ကယ်"
"ထားခဲ့လိုက် မနေ့ကထဲကလိုက်ပို့ပါ့မယ်ပြောတာကို ဆိုင်ကယ်စီးပြီးထွက်သွားတယ်မင်းက အဲ့ဆိုင်ကယ်အကြောင်းလာမပြောနဲ့ မီးနဲ့ရှို့ချင်နေတာနော် ဒီနေရာမှာတင်ပုံရှို့လိုက်ရမလားပြော"
"ရွှေကူကအကိုလေးကိုမနှိုးချင်လို့ပါ ပြီးတော့ရွှေကူကဆိုင်ကယ်စီးနေကျပဲကို "
ထားပါတော့ကိုယ်ကလိုက်ပို့မယ်ပြောပြီးအိပ်သွားမိတာကိုး။ ညကဂိမ်းအဆော့ကောင်းတဲ့ကျေးဇူးကြောင့်မလို့ အပြစ်တင်လျှင် ဂိမ်းကိုပဲအပြစ်တင်သင့်တာမို့မင်းလေးကံကောင်းသွားတယ်မှတ်ပါ။
"အခုဘယ်အချိန်ရှိနေပြီလဲ"
"၆ နာရီရှိပြီ"
ရွှေကူလက်မှာပတ်ထားသည့်နာရီလေးကိုငုံ့ကြည့်၍ဆိုလိုက်သည်။ အကိုလေးကလေ သူ့မှာလဲနာရီရှိတဲ့ဟာကို ရွှေကူ့ကိုမေးနေတယ်။
"အဲ့မျက်လုံးအကောင်းကြီးနဲ့ ဒီအချိန်ဆိုင်ကယ်စီးချင်သေးတယ်နော် အိမ်ပြန်မရောက်ချင်တော့ဘူးနဲ့တူတယ်ဟုတ်လား"
တစိတ်ရှိရွှေကူ့မျက်လုံးမကောင်းဘူးဆိုတာပဲ လာထိခိုက်နေတယ်ဟွန့်..။ ရွှေကူကကန်းနေတာမှမဟုတ်တာကို မြင်ရသေးပါတယ်အကိုလေးရယ်။
"ရွှေကူမြင်ရပါတယ်"
"အပိုမပြောနဲ့တတ် နောက်ရက်မှဝန်ထမ်းတစ်ယောက်နဲ့အဲ့ဆိုင်ကယ်ယူခိုင်းလိုက်မယ်"
ပေကပ်ကပ်နဲ့မျက်မှန်လေးပင့်တင်ကာ ရပ်နေသည့်ရှေ့ကမှန်ကြောင်မလေးကို ကွန့်မြူးဆက်မကြည့်နိုင်တော့ မဟုတ်ရင်အူယားတာနဲ့ဒီကောင်မလေးမလွယ်တော့ဘူး။
"ပွေ့ပြီးကားထဲတင်ရမှာလား ရွှေ..ကူ..."
"တတ်ပါ့မယ် ရွှေကူ့ကိုယ့်ဘာသာတတ်ပါ့မယ်"
ဒီအကိုလေးက စိတ်မှန်တာမဟုတ်ဘူးတစ်ခါတစ်လေကောင်းပြီး မထင်ရင်မထင်သလိုလဲရွှေ့ကူ့ကို ပွေ့ဖက်ဆွဲရမ်းတတ်သေးတာမို့ ရွှေကူကားလေးထဲအမြန်ပင်ဝင်လိုက်ရတော့သည်။ အကိုလေးကပြီးတော့ အရမ်းဆူငေါက်တာမဟုတ်လား။
Part 💭 21 (U&Z)
Start from the beginning