عَــــقــاقــّـيـــّـر

[ تكملة العقار ]

تكملة بس طويلة..
لا تنسون تتفاعلون ❤❤❤❤

[ START ]

………………

اجا صوت واحد ولد

-- اي ايي جيتوو

انفتح الباب و فز گلبي برعب

تقدم شاب صغير..

حچى بارق

-- بيت ابو هشام؟؟

هز رأسه نافي

-- لا احنا بيت أبو معتز

التفت عليا مستغرب
واني مستغربة أكثر منه
بقيت ساكتة ادحك على الولد بامعان، شنوو معقولة ناسية وجوههم !!!

دخل الولد يصيح أبوه
و طلع اخوه الاكبر

رحب ببارق

-- موو بيت أبو هشام؟

-- هاا، لاا طلعوا من هوني
نحن سكنا جديد قبل التحرير

-- يعني وين راحوا؟

-- والله معغف، باعوا بيتم و احنا اشتغينانو
اسأل المقابيلم يجوز يعرفون لأن سكان قدامى

هز راسه بارق متفهم، حواجبه انعگدت بأستغراب يدحگ عليا

ايدي ترجف جسمي يرجف، گلبي يوجعني بشكل فضيع

تقرب من واحد من البيوت
دگ بابهم إلا أن فتحوه

أني صرت خلف السيارة استمع و نور يمي

-- حجي بلا زحمة عليك، ردت اسأل عن أبو هشام، ما تدري وين طلع؟؟

-- هاا أبو هشام طلع من هوني قبل التحرير
و والله ما قال وين غاح يسكن
بس هيم خوش ناس يعني اخاف كن بعثوك علمود خطبة بنات كوي اثنينم زوجم

-- لا حجي يا خطبة بنات، أني بيا حال

سلم عليه و تشكر منه و تقرب مني متخصر بتفكير

-- هااا؟ شلون هسه؟؟

-- وين طلعوا قابل؟؟ عموو ما يترك المنطقة أبد

-- لوتاز كلشي تغير أكيد سكنه هم راح يتغيرر..
هسه شراح نسوي؟؟

-- معرف معرف، أنت گلي شسوي؟؟

-- بعد عمج الثاني وين بيته؟
عماتج؟؟

-- عمي عمو عبدالله، بهذاك الجانب
شلون بس گلي شلووون

انهرت بفضاعة، الموقف ولا متخيلته
كل ظني الاگيهم

عتمت الدنيا، و الفرع يصفر من البشر
و احنا واگفين