عَــــقــاقــّـيـــّـر

[ العقار الرابع عشر ]

يُقال بأن : المجروح من عائلته لا يـُشـفى أبداً

--لقائلها

[ START]

..............

أنا الشوك
و قدم حافية
تسير فوقه
أنا ذات الكثبان الرملية
التي بعثرتها الرياح هباءً
أنا الحشائش التي تراقصها اللفحات الباردة
ليلاً..
أنا الغابة التي لا يعثر عليها أحد
آخر وجبة عشاء
آخر حرف ناطق
آخر كلمة مجوفة
آخر قبلة حياة
أنا الحرب الباردة
والاصبع المحروق
و الجرح المملح
أنا دمية تداعب ملامحها
يداك..

-- بقلمي

............

فتحت الباب و فتت

باب المطبخ مفتوح نصه و رجال مع ماما بالمطبخ مبين من الشباك..

دحگت بصدمة، شنوو منو هذا؟

خاف گرايبها، أخوها، أبوها..
نصيت راسي وجسمي و فتت الگراج، صرت جوا شباك المطبخ..
باب المطبخ الحديد مفتوح بس التيل مغلوق فالصوت ينسمع

-- شبيج گالبة خلقتج، كل يوم مثل هالوكت انتي عندي

-- ايي، شوية تعبانة، المهم شگد تنطيني فلوس؟

-- خووش مبلغ يسوى و شوية زيادة معاه، بس مو تقشمريني

-- لااا، بس روح هسه اگعد بالهول، احظر الاغراض و اجيك

-- يلا انتظرج، لاا تتاخرين لازم بسرعة ارووح

حسيت هدأ المطبخ، و صوت التلفزيون عالي

رفعت راسي استرق النظر خلسة..
دحگت عليها وحدها تسوي عصير حسب ما شفت، تبين من بعيد وكل شوية ستارة المطبخ تزيح عني الرؤية..

نهضت رافعة جسمي وفتت للمطبخ

طخيت الباب بصوت وهي جفلت
التفتت عليا موسعة عيونها بصدمة

حجت بخفوت و نبرة متعصبة

-- شجابج لجج مو گتلج لا تجييين؟

-- منوو هذا الجوا؟

تتقرب مني وتعض إصبع ايدها بغضب

-- اگطع الصوندة على راسج هسه أحد يگلي ليييش

صاح الرجال من جوا

-- شنوو هذا الصوت مناهل؟

ردت بتلعثم

-- ماكو ماكو شي ماكو

التفتت عليا

-- روحي يلااا روحي

-- بس گليلي منو هذا، اخوج

-- لجج دوليييي عاد لزگتي

بهالاثناء ظهر الرجال، شورت قصير، و تيشرت رياضي، هيئتو تخوف، وجهو يوحي للشر، القذارة واضحة على هندامو