عَــــقــاقــّـيـــّـر

[ العقار الرابع ]

[ START ]

...........

تركت الحاسبة و توجهت نحو المطبخ، طلعت گلاص حليب و جبن ومربى و گعدت آكل بدون شهية
عيوني مطيرة بكل مكان، ماكو هدف أركز عليه، حياة بائسة أشبه بكابوس مظلم

سافرت بخيالي لأول مرة جيت بي لهذا البيت..

انتبهت للموبايل يومض، نهضت من الفراش و اخذتو

مكالمة من " مساعد "

فتحت الموبايل

-- الوو

-- أني يم الباب اطلعي

تركت الموبايل و توجهت لبست العباية وطلعت فتحت الباب

ظهر أمامي بـ بدلة سوداء وحقيبة عمل يحملها بأيدو، و التعب والوهن ظاهر على ملامحو

ابتعدت عن الباب

-- تفضل

دخل بهدوء و تبعتو

وصل الهول وگعد، گعدت مقابيلو

فتح الجنطة وطلع منها أوراق

-- هاي السيارة كمل تحويلها، وصارت بأسمج، وهاي السنوية، وهذا سند البيت، مبروك عليج

ضحكت باستهزاء و خليت رجل على رجل، نزل راسو يتفادى النظر نحوي

سألتو بصوت متحشرج

-- تعتقد أن بعد ما انتهى كلشي، وراح بلمح البصر، تصير لهاي الماديات أهمية

-- هاي أوامر الـ بيك

هزيت راسي بتفهم

-- صح أنت مجرد خادم صغير، ما يسعك فتح فمك والتفوه بكلمة، حتى بعد موتو

رمقني بنظرة جامدة، عكس ما يحس بيه

-- والشقق يلي بالمجمعات شصار بيها

-- باعها و تبرع بيها لبناء مدارس بالصعيد

-- ما گدر يبني هينا، راح بنى هناك
و شركة الاتصالات ومعامل الفحم؟

-- صفاها كلها، و نص الفلوس أخذلج بيها بيت والسيارة
والنص الثاني بيتين و حاليا مأجرين

-- بس!

-- لا تخافين راح يجيلج وارد كل شهر بفلوس الايجار،
تأمنين قوت يومج بالإضافة إلى مستلزمات الدراسة