عَــــقــاقــّـيـــّـر

[ العقار التاسع و الثلاثون ]

لا تنسون التصويت + التعليق بين الفقرات ❤❤

بهذا البارت توضح تسلسل الاحداث، المشاهد يلي انذكرت بأول بارتات كلها انذكرت بهذا البارت حسب تسلسلها

يعني هسه كلشي توضح

انتهت المحطة الثانية و عبرناها بسلام، وصلنا لآخر محطة و نودع
بارتات قليلة تفصلنا عن النهاية السعيدة المرضية لجميع الأطراف

تحلوا بالصبر ❤❤
وإذا اكو إستفسار أو أي شي ما فاهميه اكبتوا

[ START ]

………………

رجعت للبيت متوترة..
دخلت و غلقت الباب، دحگت موبايلي يرن..
" خالة رضوى"ّ

قفلته بملل، و تمشيت للهول، فركت راسي بتفكير

لحد الآن ما مصدگة..
كلشي صار بلمح البصر..

تمشيت ماخذة الكارتون يلي بيه الاغراض

فتحت الحاسبة و گعدت بالأرض ساندتها على رجلي
خليت الـ CD من جديد..
ظهرت أيقونة فيديو، ضغطت تشغيل و جريت نفس بصعوبة خايفة..

و ظهر الفيديو من جديد..

و أول شخص ظهر جان أصيل..

تنهدت بألم و بقيت ادحگ بتفكير على الفيديو..

بـ بدلة سوداء كاجوال، و ساعة فضية، يفرك كفوف ايديه ببعضها بتوتر و يبتسم

دحگت زين، هاي الغرفة اعرفها..
و هذا الميز عليه كومة علاجات، يعني هاي قبل وفاته  بأيام تم تصوير هذا الفيديو يلي أعترف بيه عن كلشي

و تأكدت من هذا الشي بسبب شعره المتساقط

كملت الفيديو بفضول

نطق بهدوء

-- ازيك يا لولو عاملة ايه
عارف أنك دلوقتي فحالة صدمة، بس ده مش يمنع أن نطل من فترة لفترة..
مش عارف أقول ايه صراحة، لكن بتمنى أنك تسامحيني..
خلاص بقى نبطل مصري عشان ما تعصبي عليا..

ضحك و رجع اردف ببحة

مر وقت طويل يمكن، مدري شنو يلي يخلي الإنسان يتصرف هيج..
اليوم الشي يلي راح احجيه، اتمنى يكون حبل نجاتج، و طريق خلاصج
أسف على كل كلمة گلتها وجانت جذبة، و اسف على كل وهم عيشتج هو..
أني إنسان أستحق يلي صار بيا و أكثر، و متأكد يجي يوم رب العالمين ياخذ حقج من كل شخص ظلمج و اولهم أني، بس رغم هذا اتمنى تسامحيني حتى يخفف عني العذاب..

كملت الفيديو، هالمرة دون ردة فعل

حچى عن حياتي كلها بالتفصيل الممل
ذكرني بأهلي واحد واحد، و شلون عشت وياهم، و امي من اجت و عشت معاها، وبعدها من هي أخذتني يمها
و جابتني لبغداد يوم اندعم هشام
و شلون هو گدر يتعرف عليا و الدخيل ما عرفني
و بعدها اختفيت عنهم، و رجعوا يدورون عليا جماعة الدخيل، ومن خطفوني