عَــــقــاقــّـيـــّـر

[ العقار الخامس و الثلاثون ]

شوفوا هذا البارت أحس قصير رغم 3000 كلمة

بس شنو راح اكمل بعد، و انزل الكم خبر بالتكملة اليوم إن شاء الله
مع هذا البارت
فيلي يحب لا يقرأ هذا ينتظر التكملة و ينزل من جديد كامل

لا تنسون التصويت والتعليق ❤❤
استمتعوا ❤❤

…

…………

"ما يجعلنا نستمر معاً
هو أن كلانا ليس ملكاً للآخر كلياً،
هكذا يظل الشوق بيننا".

محمد شكري

[ START ]

………………

همست بتردد و شفايف ترجف

-- الدخيل

-- هههه خلصت المدة موو!!

رجعت كررتها عليه بقلق ما مصدگة

-- الدخيل؟؟

نظر نظرة شر، و أبتسم بتأني

-- تعرفيني؟؟

نطقها وصار يتقرب بخطوات مريبة يصدع صوت صداها بأذني برعب

بنبرة واثقة غير مهزوزة مصطنعة رديت

-- ابو سنان، و اخو أصيل

ضحك بصوت، وسأل بفضول يستظرف وهو يتقرب مني أكثر، رجعت للخلف بتردد، ارتطمت بشي لامست ايديا برودته تأكدت أنها الثلاجة

صار قريب مني و أني ابتعد بخوف للجهة الثانية، و رفع ايده من الجهتين ساندهم و قاطع الطريق

انتبهت عليه يبتسم ابتسامة صفرة باطنها كم هائل من الحقد الدفين، رفع ايده و قربها من عنقي بقوة خانگني نزلت راسي حتى لا يلوح عنقي، ضغطت على اسناني بقوة مرتجفة..

همس بغضب راص على اسنانه

-- بس هاي معرفتج عني، له له له، ما تعرفين الدخيل يلي ابوج

يحجي واني عيني صارت على باب المطبخ يلي انفتح مرة ثانية يعلن دخول شخص، اتنفست براحة بعد ما ايده رخت عني.. ابتعدت بسرعة أريد أطلع من المطبخ و أصرخ
و سحبني بقوة من ايدي، التفتت على سنان بملامح باكية و ردت اصرخ ومنعني وهو يغطي حلگي بكف ايده

صاح سنان بعصبية وهو يضرب على الكرسي

-- ياب شجاگ وي البنيه راح تمووت من الخوووف أتركها