ထိုယောက်ျားအရောင်းဝန်ထမ်းသည် ခြေဆောင့်လိုက်ပြီး စင်တာလုံခြုံရေးကို ခေါ်ရန် သူ့ဖုန်းကို ကောက်ကိုင်လိုက်တော့သည်။
သို့သော် ရှန်ယွဲ့က သူ့ထက်မြန်လေသည်။ လွန်ခဲ့သည့်တစ်မိနစ်က သူမသည် နံရံပေါ် တံဆိပ်ဌာနချုပ် ဖုန်းကို မြင်လိုက်ပြီး သူမ၏ ဖုန်းအသစ်လေးကို ထုတ်ကာ ဖုန်ခေါ်လိုလေသည်။ ထိုအခိုက်တွင် ဖုန်းဝင်သွားတော့သည်။
" ဟယ်လို၊ ဟယ်လို"
"နင် ဘယ်သူ့ကို ဖုန်းခေါ်နေတာလဲ"
ယောက်ျားအရောင်းဝန်ထမ်းသည် မသက်မသာ ဖြစ်သွားတော့သည်။
ရှန်ယွဲ့က သူမ၏နှုတ်ခမ်းကို မသိမသာကွေးထားလိုက်ပြီး ဆွံ့အနေသည့် အရောင်းဝန်ထမ်းကို တမင်စိုက်ကြည့်လိုက်ကာ ကြည်လင်သည့်အသံတစ်ခုဖြင့် ပြောလိုက်တော့သည်။
" Xအားကစားတံဆိပ် ဌာနချုပ်ကလား၊ ကျွန်မ အခု ရှင်တို့ရဲ့ Sမြို့ ဆိုင်ခွဲကိုရောက်နေတာပါ၊ ကျွန်မ အဆင်မပြေရတဲ့အကြောင်း တိုင်ကြားချင်လို့ပါ"
ရှန်ယွဲ့သည် မျက်မှောင်ကျုံ့ထားပြီး အမျိုးသားအရောင်းဝန်ထမ်း၏ ရင်ဘတ်ပေါ်က ဝန်ထမ်းကတ်ကို ခဏကြာအောင် အကဲခတ်လိုက်လေသည်။ ထို့နောက် သူမသည် ဖုန်းဆက်ပြောလိုက်၏။
" ဝန်ထမ်းနံပါတ် 11349 အမျိုးသားအရောင်းဝန်ထမ်းက ဆိုးဝါးတဲ့ ဝန်ဆောင်မှုပေးနေပါတယ်၊ သူက စျေးဝယ်သူကို မောင်းထုတ်ပြီး ကိုယ်တိုင်တိုက်ခိုက်ခဲ့တယ်"
" နင်က ငါ့ကို တိုင်နေတာပေါ့်လေ"
အမျိုးသားအရောင်းဝန်ထမ်းသည် ခဏတာ မှင်သက်သွားတော့သည်။ ရှန်ယွဲ့က စစ်ကူခေါ်နေသည်ဟု ထင်လိုက်သော်လည်း သူ့အကြောင်းတိုင်တန်း လိုက်မည်ကိုတော့ ထင်မထားခဲ့ချေ။ သည်လို အသေးအဖွဲကိစ္စကို မည်သူမှ ဂရုစိုက်လိမ့်မည် မဟုတ်ချေ။
" နင် ဘယ်လောက်ပဲ တိုင်တိုင် အသုံးမဝင်ဘူးနော်၊ငါတို့ ဌာနချပ်က နင့်လို ဆင်းရဲသားတစ်ယောက်ကို အများဆုံးလုပ်ပေးရင်း ယဥ်ယဥ်ကျေးကျေးဆက်ဆံတာလောက်ပဲ ရှိမှာပေါ့၊ ငါတို့က နင့်ကို လုံးဝ အဖက်လုပ်မှာမဟုတ်ဘူး"
YOU ARE READING
အထူးလုပ်ကြံရေးသမတစ်ယောက်ရဲ့ စာမျက်နှာသစ်
Romanceလုပ်ကြံသူအဖွဲ့တစ်ခုရဲ့ ပျိုးထောင်ခံလာရပြီး ၁၃နှစ်တာလေ့ကျင့်လာပြီးနောက်ပိုင်း ရှန်ယွဲ့ဟာ အသက် ၁၇နှစ်အရွယ်မှာတော့ အကောင်းဆုံးလုပ်ကြံရေးသမား ဂုဏ်ပုဒ်ကိုရခဲ့ပြီးတော့ လုပ်ကြံရေးသမားတွေကြားမှာ ပြိုင်ဘက်ကင်း legendတစ်ယောက်ဖြစ်လာခဲ့တယ်။ legendတစ်ယောက်ဖြစ်လာ...
အပိုင်း (၃၂) VVIP မန်ဘာ
Start from the beginning