الهاوية

البارت الخامس والخمسون

- حياتنا تبدو مختلفة عندما نفقد شخصًا عزيزًا علينا، فالحنين يحتل قلوبنا والدموع تملئ عيوننا، ونشعر بالفراغ الذي يظل يرافقنا حتى نهاية الأيام.

قراءة ممتعة حبايبي
تبارك الشمري 🤍🤍

_____________

مرح.. رجلي متعيني وصوتها يردد بأذني مات؟

شنو مات منو مات دموعي واكفة مترضى تنزل
وتستوعب الصار ماريد اصدك دفعت الباب بقوة وركضت جوة

امي كاعدة بالزاوية لامة رجلها الصدرها
ومامبين عليها اي ردة فعل..؟!

انداريت الناحية الصوت عمتي لازمة
ابوية بحضنها وتعيط وخالة ختام تبعدها تبجي؟

صرخت بكلمات متقطعة با بابااااا واحس
حيلي نهد ركضت عليه دنكت ارجف لزمتة وجهة بارد

لونه شاحب شفتة مزرقة عبالك نايم

صرخت مو راضية استوعب خلص هو مااات؟

مات وتركني بوسط ناس هواي وجوهم قبيحة

صرت اعيط واضرب بروحي نمت على صدرة كوووم حاجيني بااابااا كوم الله يخليك كوم انت مو خابرتني

تريدني كوووم ياربي شلون عفتة شلووون ملخت خدودي وشعري مداستوعب ياربي

كوم دخيلك كوم فدوة اروحلك بابا لاااا لتسويها وتعوفني بعد ماشبعت منك

باوعت المسك مغطية اذانها وتبجي على بجينة مسحت دموعي بطرف هدومي بهستيرية

شوووف هاي مسوكة متنام اذا متحظنها
كل يوم اني وياها كووووم بابا انت تسمعني ادري بيك
والله انت نايم مو حاجيني..

كافي تسوي هيج حبيبي وصديقي
كوم والله راضية بكلشي تكتلني تسحلني
كلشي قابلة بس افتح عيووونك با با بابااااا

حجيتها ومددت عليه اصرخ واهز بي امسح بوجهة

والله بعد ما احجي شي يضوجك والله

وحتى حياة اني اجيبها وتتصالحون
وآلله بس اكعد حبيبي بابا لحظات وشفت خالو سعد دخل يركض سحبني منه ودنك عليه ورجع باوعلنا ملامحة حزينة وصاح..

سعد.. لا إله إلا الله ان لله وان اليه راجعون...

لااااا لتكووولها دفعتة وخرررر وخررر متاخذة
مابي شي قبل ساعتين خابرني كلشي مااااابي
كلشي ماابي

سحبني وحظني يبجي على حالي صرخت وادفع بي لاا خالو والله مابي شي عوفني خلي اكعدةةة

شدد لزمتة وصاح على مرتة تسحب بية دقايق
ودخلو ولد من المنطقة شالو وطلعو

واني اعيط اريدها تعوفني ابد لازمتني بكل قوة حاظنتني هي وعمة رحاب دخلت عمة رحمة من برة وجهة اصفر تصرخ..