الهاوية

البارت الثاني والخمسون

"لم أخبر أحدًا بهذا من قبل قط
لكن، لكل ذكرى رائحة خاصة؛
أستطيع أن أخبركِ بما تتذكرينه من رائحتك

عندما تتذكرين طفولتكِ تكون لكِ رائحة التفاح
ورائحة الرماد والدخان عندما تتذكرين والدكِ
أما رائحة الشامبو فتهل عندما تتذكرين أمكِ
وعندما تنظرين إليّ،
وأجزم أنكِ تفكرين في آخر،
تكون لكِ رائحة الحب..

قراءة ممتعة حبايبي
تبارك الشمري 🤍🤍

_____________

مرح.. عطت يعني شلوووون؟
انطيتي البيت والسيارة وكلشي منو هوووو؟

ركضت كعدت كدامها اعصابي فايرة اهزز بيها من كتفهااا احجي يمة شسووويتي

تباوعلي وتلطم على راسها وشعرها ترجف وجهة اصفر ودموعها تنزل عشرة عشرة كالت بصوت مبحوح من الصدمة متعرف شتخرط..

سميرة.. وثقت بي صار هواي يطلب البيت
وما اقبل بس من كال راح اطلك مرتي وانت هم اطلكي انطيتة ولج دزلي خبر بيد الشرطة افرغ البيت اليووووم.

رجعت كم خطوة فقدت توازني كعدت
ليورة متمتت مامستوعبة البيت راح السيارة راحت

كلشي راح هباء المنثواا؟

نص فلوس البيت من ابوية والنص الثاني ورث اهلها
والسيارة كذلك

زين وتعبة وكسرة ظهرة؟
وتعب خلود وحرمانها من أبسط الأمور؟

سحب نفس الغصة ملت صدري
ماعدها عقل مافكرت بينا وين نروح ومنو يلمنا؟

باوعت الابوية الي نايم وأصلا ميدري
بالدنيا طشت رشت شنو السبب هيج صار ماأدري

من اشوفة احس مبيوگة عافيتة
بس منو اخذها منو هيج
سوة بحالة؟

صرخات ونحيب امي عالصار صدمة متعرف شنو تحجي جانت فاصلة عن الدنيا بس تهذري وتلطم..

كمت وكفت ضربت عالباب بسسسس مثل مدخلتينا بهالمصيبة انت طلعينا تررروحين هسه
ترجعين البيت وكلشي افتهمتيييييي؟؟

رفعت راسها مصدومة مني تبجي والخوف مسيطر عليها رجعت ضربت وكسرت الغراض بس

كااافي طفح الكيل ماتحسين بينا جاب
عمرة يشتغل تكسي حتى ترضين عليه..

بعز الحر والبرد...

زين عوووفي كلشي عووووفي هو ماتحبي افتهمنااا

بس خلود كومة صرفت وانطتج فلووووس بكد شعر راسج خلصتيها تسوين سلف

وين راحن؟؟

مسحت دموعها ايدها ترجف وجهة اصفر مسحت وجهة بهستيرية كالت..

سميرة.. شمدررريني راح يغدر بية ولج كلشي عندة اخذة كلشي ضميتة اخذة..

مرح.. حييييييل وابو زايد هذا دواج لأن
جبتي عمرج تنگطين سم وحقارة حارمتنا من كلشي

ابسط شي الاكل والبس الحلو بس كدام الناس التعرفيها حتى يكولون ام معدلة ام نادرة مامقصرة على بناتهااا مو؟؟