الهاوية

البارت الخامس والعشرون

‏"بالأمس بكيت، تمنيت أن يكون لي
نصيبٌ من أحلامي أو أن يرتاح قلبي من الركض،
ولو لمرةٍ واحدة في حياتي."

_________

قراءة ممتعة حبايبي
تبارك الشمري

عادل.. يريد يرجعون يكول اني انطيها اله
بس لتسود وجهي كدام الناس..

فرح.. اكبر جذاب صار فترة قليلة من عشت
وية بس عرفتة كلش زين..

عادل.. خر** بيهم هسه شسوي فهميني
ذاك الكو*** راح وعاف المصيبة عليه..

فرح.. كلشي لسوي خلي نارهم تاكل حطبهم
عوفهم مو كافي العذاب العاشتة هالمسكينة؟

عادل.. الله كريم خلي اولي بلكت احلها..

فرح.. تمام حبيبي كلشي يصير طمني..

نهيتة من عندة غيرت هدومي بدشداشة
طويلة اخاف احد يجي من الولد

ونزلت جوة بعدني عالدرج استوقفني حديثهم..

لمى.. راح وحيدج ارتاحيتي هسه من دللتي
اخذتة هاي الحية وضليتي..

ام حطام.. كافي لمى ما اسمع صوتج
ماتعبتي هلگد گررررتي..

لمى.. لأن احجي الحق تكرهيني ماعندج
بالدنيا غيرة تموتين على ربة كل الي سوا ابوية بي يستاهل هالسود وجهج بين الناس..

ام حطام... كااافي حجاية زايدة اذا تحجين
بعد طلعين وماشوف وجهج للابد

كافي عليه الضيم الشافة خلي يسوي
الي يريدة ويسعدة..

لمى.. اذا ماطلع لاعب بيها  اگص ايدة
متشوفين هالشردو سوة..

متحملت نزلت شافتني كصتني كص باوعت عليها موجهة كلامي بحدية رافعة ايدي عيب عليج شنو لاعب بيها مو انتي مرة جبيرة وحاجة بيت الله

وعندج بنات متخافين باجر يصير الاتعس
بناتج اتقي الله..

تخبلت هي سمينة وطويلة كامت تريد تهجم عليه بعصبية لزمتها امها وام عادل وهي دفع وتلعلع..

لمى.. ادبسز بناتي يشرفنكم ويشرفن الخلفجن
انتي واختج العايقة أمهات السحورة لوبيج
خير ما امج شمرتج..

فرح.. اتجاوزج بأخلاقي..

ام عادل.. أنتي منو سمحلج تحجين
حية مخلية بيتي تتسمع علينا؟

فرح.. والله ياعمة ماكو غيرها حية تلوك بأعراض الناس وصافنين غليها بدل مترزليها تحجين عليه؟

ام عادل.. يجي عادل واشوف بالله شنو هاي النص اظيفر توگف بوجهي اني وخطاري تلعلع..

فرح.. اعتذر منج اذا ضجتي بس اني
محجيت شي غلط ومن حقي أدافع الاختي..

تركتهن ورجعت صعدت للغرفة نار تسعر
بصدري متحملت دموعي صارت تنزل

منين تجينا هاي المصايب؟