الهاوية

البارت الاربعون

قرأت مرة على جدار
"كُن لنفسك كُل شيء"
ومن فرط اعتقادي إنكِ أنا
صدگت ظَني وصِرتلك كلشي
وأنتَ كلشي ماصرتلي

قراءة ممتعة حبايبي
تبارك الشمري 🤍🤍

_________

فرح.. وصلني البيت اهلي وراح دخلت جوة امي
شافت حالتي ودموعي بقت تسألني حاولت اخفي وماوصل مشاكلي الهم

بس متحملت لازم افضفض الي بداخلي
كثر الكتم خنگني

كعدت بصفي وبقيت
احجيلها كلشي وابجي بخنگة لمتني
بحضنها تبجي على حالي كالت..

ختام.. يايمة سودة عليه شبيدي عليج ياروح امج..

فرح.. ماتحملت يوم مااعرف اني
صرت نفسية من الحمل؟

ختام.. لايمة حبيبة انت مشي كلامهم طببي
منا وطلعي منا

زوجج يحبج ومداريج اتحمليهم الخاطرة ياما تحملت بيبيتج هي وسميرة نفس الصنف وتعرفيها كلش زين سوت بينا؟

هزيت راسي الغصة تارسة صدري وكلامها يرن بأذني

مددت عالجرباية امي طلعت
وطفت الضوة واني نمت لليل كعدت
على دكة تليفوني فركت عيوني بنعاس

عادل فتحت خط كال..

عادل.. شلونها فرحتي هسه راحت الخبالات؟

فرح.. لا عادل الكلام السمعتة مو قليل حتى تكول خبالات لو اني ابالغ ترا اني موهيج ومو ذنبي
ليش امك تعيد وتسقل بالموضوع
كل مرة مو سممتني وحق الله..

عادل.. مرة جبيرة اخذيها على گد عقلها ياعيني
ليش تخلين هيج أمور تأثر علينا وانت حامل هم ديري بالج على نفسج وابنا ارتاحيتي اجيج هسه نرجع؟

فرح.. ماريد عوفني هنا كلش تعبانة..

جر نفس بعصبية ورد عليه

عادل.. تمام خلي كلمة توديج وكلمة
تجيبج وخاطري عندج عادي صاير؟

فرح.. تعبت اداري خواطر واني خاطري مكسور!!

ليش متحس وانت داري مشاعري مو تكول حامل ولضوجين موزين عليج وعالطفل ليش تريدين اسمع كلام وانغث؟

عادل.. خلص خليج هناك مثل متحبين نعلعلا
روح امه وابو اذا خابرتج لو اجيت عليج..

حجاها وسدة بوجهي بقيت صافنة
صدك يحجي فوگاها؟

ورة كم يوم اجة يحجي ويا ابوية صاح عليه ابوية مقبلت اطلع كتلة من ورة الباب اسمعة..

فرح.. خلي يروح ماريدة بعد لايجي
قبل لايسويلي حل؟

عادل.. فرح لاتصيرين انت والدنيا عليه
نعلي الشيطان وتعالي..

سعد.. اي بابا يلا رجعي ويا الولد تعبان وأمه
بعد مالها علاقة بيج..