الهاوية

البارت السادس والثلاثون

لا لـگينه بنادم يحبنه اعله گـدنه
ولا لـگينه گـلوب تستاهل صدگـنه..

قراءة ممتعة حبايبي
تبارك الشمري 🤍🤍

__________

خلود.. خزرتة من سوالفك التعبانة غير

خالد.. خلف الله عليج دغتورة

ابتعدت عاوجة حلگي شكد غثيث
حتى وهو تعبان مينبلع كعدت مقابيلة اقرة

بالعلاج عين عليه وعين عالراجيتة كال..

خالد.. ها شني راح اموت قربت ساعتي؟

خلود.. احم لا بعد انتظر

ضحك علي يحشش عليه والبنات

علي.. هاي اختي ناصبة عليك بالعباس..

خالد.. وانت فرحان عندك اخت تصفگلها؟

نور.. جا وحد عنك مو هم فرحان بينا
وتحبنا ومددلنا فديتك..

خالد.. شعندج ترا رجال نايم بالفراش

نور.. عابت هواليحبك ويخاف عليك هيج تجازي؟

ريم.. دعوفي ام صماخ الزلمة تعبان..

خالد.. هلا هاي الكلبها علي خوما انت دورين
طلعات وفلوس..

ريم باوعت على نور تركص بحواجبها تعيب عليها
خزرتها نور تغم بيها كالت..

نور.. جوعان اسويلك اكل سودة عليه ضلعي..

جاوبها بلا لازم راسة عوزة بس يلطم فرغو الاستقبال حتى يرتاح لأن جماعتة يردون يجون يشوفو..

كعدت امه يمة نزعت جواريبة وتفرك برجلة
تبجي وتصيح سودة عليه وليدي شيوجعك يمة؟؟

عفتهم وطلعت سديت الباب وراي اسمعة يهمس الها..

خالد.. مابية شي وعلي بس طشار خفيف

كعدت بالمطبخ يم البنات بالگاع اجت مرت ابوية تحظر بالعشة كالت..

مروة.. يلا بنات همتكم وياي راح يجون اصدقاءة زحمة يطلعون بلا اكل..

ريم.. جا هم جاي على اكل لو عالمريض؟

نور.. عوذة منج هلا باليجي حتى لو مياكل
نمد سفرتنة عيب..

ريم.. الله بالچريمة من شوكت تمدين سفر؟
هو انت عالجبس تتعاركين وياي

دخل محمد من برة جايب غراض للعشة ركضت ريم تاخذ من عندة ابتسملها دنگت نظراتهم مو خالية ابد؟

محمد.. بعد محتاجين شي اجيب؟

نور.. اي جيب جبس الهاي الزعطوطة جانت
تبجي لان اكلته ومنطيتها

اندارت تخزر بيها

ريم.. طاح حظج نويرة

عافهن وطلع كمت اساعدهم بالعشا ورة شوية رجع  بيدة علاگة