الهاوية

البارت الرابع🤍

هم عايش احساس اليبچي بسكوت ؟
تخنگ دمعتك ويفضحك الصوت ..
گدآمك بشر بسنينك يعيش ،
مو حگي من أگلك مشتهي الموت !!

_______

بقلمي تبارك الشمري

مرح.. فزيت وشمرت الزبالة عليه
عطت خايفة امشي ولي مني
تقرب يضحك ويكمز

رافع دشداشتة لزمني
من زندي عطت مشمئزة
اسحب بروحي وهو يتقرب

اكثر حصرني عالحاوية ضربتة
عالمنطقة الحساسة برجلي
بقة يعيط من الألم تقربت

غميتة على كصتة
وتفلت عليه امداك لوبيك
خير اشتري مكينة بربع..

ونهزمت حتى الحاوية عفتها يمة

اني واركض شفت الخبل الثاني
المطيرجي بنص الفرع مخلي نركيلة وكاعد صوفر ورفع ايدة..

خير ياطير وين طالع الحلو بنص الليل..

شلت حجارة ضربتة بس اجت بالنركيلة وكع الفنجان مالتها والفحم اطشر لاح شوية رجلة بقة يگمز عطت حيل ابو زايد ان شاءالله اكثر ياسرسري لزم رجلة وباوعلي كال..

.. اموت عالسرسري..

عفتة ومشيت بقة يمشي وراية انداريت عليه رفعت اصبعي إذا تمشي خطوة وراي بعد اعيط والم الناس عليك واگولهم يتحارش بية واسوي سواية ماتسولف..

ضحك وكال..

... اوف اويلي اويلي كل هذا الحچي الي؟
عاد خلي نتحارش من صدك عاد تجيني سمعة مو بلاش..

مرح.. انجب الطحش لو بيك خير ضعف روحك ابو كرش

هو تغيرت ملامحة نقطة
ضعفة الاكل كلها تصيحة بالمنطقة..

دبة حميسة بقة واگف وعيونة تلمع من الضوة بس تطاير شر..

عاد عفتة واني رجعت للبيت
سمعت صياح دخلت عالسريع
جانو واكفين بالاستقبال امي وابوية وحياة بالباب شايلة مسك حاضنتها واكفة تسمع الحجي وتبجي تقربت لزمتها همست هاي شكو شصاير؟

اندارت عليه عيونها مورمة كالت..

حياة.. ابوية جايب بيبي
تريد تبقى يمنة وامج من سمعت
تخبلت مخلت شي مكسرتة...

تعديتها ودخلت امي واكفة هي وابوية
واحد يصيح عالثاني جرت تحفية من فوك الميز وركعتها بالكاع طشر الكزاز بكل مكان

بيبي كاعدة بالكاع يم الدرج وموكفة العوجية مالتها بيدها ولابسة دشداشة نيلي وفوطة بيضة وايدها  مليانة محابس وبتوت نظراتها كلها ثقة رافعة راسها بشموخ شافتني دكت العوجية مرتين وصاحت..

صفية.. لج عيني دادا دشوفين حالي تالي كبرتي ابن بطني مايلفيني من امدا اي والله امدا الحظي الي ماعرف يربي تعالي شوفيلي دكيلي على عمج عمر خلي يجي ياخذني..