الهاوية

البارت السابع

ربما في لحظة ضعفك لا تجد سوى
الغريب يجاهد ليجعل منك روحاً قوية ؛
و من كان قريب ينظر إليك من بعيد
و كأنه لم يعرفك يوماً ما..!🥀

______

خلود.. اوف ولج وداد اليوم اول
خفر الي متحمسة وخايفة بنفس
الوقت جريت نفس قوي

تمشيت شوية بالحديقة
بي كوب الكهوة وداد وياي
تضحك عليه راحت هي واني دخلت جوة 

واكفت باب الاستعلامات
ورة الميز بيدي الفايل لابسة
زيي الابيض ومناظري من القراية
صار عندي ضعف بالنظر خفيف
زايدة جمالية الشكلي

بس فرحانة حققت حلمي
وصلت  الهدفي من بعد تعب
  وسهر وصوندات من امي جنت ابقى
طول الليل سهرانة اقرة تاخذني الغفية
وافز على ضربة امي..

سميرة.. كومي اقري مطلعين
من هاي الغرفة الا وانتي بيدج الشهادة والراتب بيدي..

خلود.. اهو گايمة يمعودة هستوني غفيت..

سميرة.. لوعندي ولد جان هو يجد وينطيني
ولا البنية اصرف وتالي للرجال..

رفعت راسي واني اعدل مناظري
وهدومي يزخن عرگ من الحر كاعدة
بالترك مخلية مبردة عالباب
بس وين اكو كهرباء بالعراق العظيم

بلعت ريگي شبيج ماما هسه شبيها البنية خير ونعمة هاي عندج ٣ بنات كل وحدة تصير وتنطيج راتب الحمدلله والشكر..

سميرة.. عندي ٢ بس انتي ومرح
ذيج العايقة ام الولد ماتشرفني..

خلود.. يمة لاتحجين هيج تدرين اليربي
يتيم اله قصر بالجنة شكبرها يم الله وانتي تمسحين على راسها بحنية وداريها مثل بناتج..

سميرة.. لو هي ولد جان طلع اشتغل وجابلي فلوس بس وين صادق افندي مايرضى بنتة حبيبتة تطلع تشتغل يخاف على ******..

خلود.. هسه الن تردين الولد متگوليلي شراح ينطيج..؟

تجاهلت كلامي تتأفف مراضية طول عمرها تنوح عالولد عبالك مادري شراح ينطيها ويسويهلها

فزيت على صفنتي على صياح ام تركض وابنها بحضنها يطل ٤ سنوات لا ايد ولا رجل فاقد الوعي ركضت بدون وعي اريد انقذة اخذتة من ايدة حطيتة عالسدية واروح منا واجي منا امة خلتني ارتبك من صياحها انداريت اطلعها متقبل دفع بية وتعيط..

ترجف وجها رايح من اللطم مزلغ وعيونها حمر

ابني اريد ابني ابو ضربة  ضربة ودك على وجهة كعدت بالگاع تشك بهدومها وياها بنية يطلع عمرها ب ١٦ سنة تبجي وتهدي بيها اجيت أسد الباب لزمتني من هدومي عتتني

اموت إذا يصير بي شي بس هالواحد
امووت بدونة خمس سنين يلا صار..

ابتعدت منها ودخلت حسيت المسؤولية كبرت عليه واني اسمع حجيها اجة دكتور ويا وممرضة شكد حاولت اسويلة انعاش بس مابي نفس اني هنا انهاريت ايدي ترجف واعصابي تلفت بقيت اسوي مساج للقلب وقبلة الحياة حاولت قدر المستطاع بس ماكو الدكتور يدفعني وارجع احاول..