الهاوية

البارت الثالث والعشرون 🖤

حياة...

ينـاغيني ويگـلي عيـونچ يخـبلن
وأگـلة خـلاف وجهـك ريتـهن يعـمن.

_______

خلود.. لبست هدومي وطلعت بلا روح
خاوية من المشاعر تايهة عقلي شارد..

مااعرف وين الصدك
والكذب تاهت عليه المفروض اليوم فرحتي
والمهر مالي بس دائمآ الشي الي اريدة واتمناه
ميصير...

وصلت للعيادة جانت دنيا عصر
مالتة بيها مراجعين تقربت للسكرتيرة

طلبت اشوفة اتصلت عليه انطتة خبر بوجودي
هزت راسها بتمام وباوعتلي..

... ميگدر هسه عندة  مراجعین..

جريت نفس بحسرة وگعدت بصفها عالكرسي
ناس طب وتطلع وهو ماکو صار الليل وخلصو المراجعین

راحت السكرتيرة هو بعدة بالغرفة
كمت وكفت اعدل بروحي وحجابي
وكفت باب الغرفة مترددة اطكطك بأصابعي

طلع هو يعدل بقميصة عبالة
اني رحت رفع حاجبة كال..

طاهر.. شتردين؟

خلود.. جاية احجي وياك

طاهر.. مونهيتي كلشي ورحتي
البارحة شتغير اليوم؟

هزيت راسي اي بس لازم اسمع منك
ردت اكمل رفع اصبعة بحدية كال

طاهر.. اوكفي اوكفي اني البارحة
مو حجيت وياج وگتلج اوكفي
اسمعي مني انتي شسويتي؟

تصرفتي بكل رعونية وبيئة
وشككتي بية..

خلود.. اولآ انتبه الالفاظك اني
مو بيئة افتهمت؟

طاهر.. منتبه كلش زييين مو انت تعلميني تمام؟؟

هزيت راسي وبلعتها التصرفاتة اريد اوصل النتيجة تفكيري موتني رفعت راسي اجت عيني بعينة ضعفت بس روحي مدتقبل الصار كلت

انت واحد من الناس لو دازيلك
صور الي غير لائقة ماتزعل وتشك بية؟

جاوبني بكل ثقة

طاهر.. لا ما أشك لأن عندي ثقة بيج
واعرفج كلش زين انت شنو..

خلود.. تمام هسه اجي وياك اريد اوصل
الحل هز راسة يباوع على ساعتة..

وبعد شغلة خلي نگول الصور مفبركة
وانت ماعندك شي؟

شعدها حاضنتك البارحة بالغرفة

وليش هي اصلآ موجودة مو نزلت وياي
الظهر خلصت خفر؟؟

فتح عينة طبك ايد بأيد كال..

طاهر.. انت صدك زعطوطة ماكذبت
امج من حجت عليج

خلود.. لتجاوز وجاوب بس
على سؤالي تمام؟؟

هز راسة بنفاذ صبر يتفس سريع عصر گصتة..

طاهر.. البنية اجت للمستشفى ناسية غراض الها داخت وكعت اخذتها للغرفة افحصها من باب
الصداقة الي بيناتكم من صحت لزمتني وين المشكلة؟