الهاوية

البارت الثاني

البارت الثاني
من قصة الهاوية 🖤

هذاك انه..

غصن مكسور..
ياطير اليحط فوگاي يلچمني
هذاك انه الرجع من فشلتة يغني.

________

حياة.. بقيت اركض واعيط يمةةة
بهالاثناء اجت سيارة من بعيد

بقيت استنجد بصاحبها وصلت يمي قريب
الهث النفس گوة ضربت البنيد بكل قوتي..

واتلفت فدوة ساعدني لزم بريك سريع نزل مخروع
من السيارة وجهة مخطوف گال..

خير خير ياستار شبيج بوية؟

انداريت الجلاب صارن قريبات
مسافة كم متر صحت يمةةة يمةة وضربت وجهي..

بدون مااحجي ويا ولا استأذن منة؟

فتحت الباب وصعدت عالسريع
كعدت ولامة رجلي الصدري مطلعة بس عيوني اباوع وگلبي احسة وكع برجليه من الرغبة..

باوعت اله يضحك استغربت
  مقلصة عيوني وحواجبي

بس الغريب الجلاب من شافو
مسولة شي بس نبحو عليه..

دنك على واحد منهم يلعب براسة
مدري شنو حجة ويا واشرلة شو

مدد ويسوي حركات اله شوية
واجة ولد يركض الحارس مال بيت
لأن شايفتة قبل اعرفة اخذهن وراح..

بقيت مصدومة وجهي مصفر
وگلبي موگف بس يدك سريع

هو اندار عليه دنك راسة باوعلي
من الجامة التفت منا ومنا وحجة وياي مبتسم گال..

.. ان شاءالله مرتاحة بسيارتج مدام؟

فتحت عيني على وسعهن
مثل الصحاني عزاا بگلبي تعزيت
وتصخمت يمة نزلت عالسريع
من السيارة اتلفت واطگ طگ بصابيعي

اسفة اسفة والله هسه يلا انتبهت على روحي بس خفت خفت حجيتها واعيد بالكلام واتأسف..

سديت الباب مال سيارة وتقدمت 
هو اندار واجة وكف مقابيلي باوعتلة ودنكت..

گال.. عادي مصار شي انتي زينة بوية
وجهج مخطوف اخذج للمستشفى
يمكن ضغطج هبط؟

حجاها بخوف وجدي جان ابتسمت وكلت

حياة.. لا لا شكرآ الك واعتذر مرة ثانية خوية عن اذنك اترخص اني..

حجيتها ومشيت مسافة وسمعت صوتة وگفني؟؟

انداريت عليه تقدم بتجاهي مد ايدة استغربت گال..

..وكعت منج هاي المحفظة..

مديت ايدي اخذتها عالسريع جريت ايدي شكرآ مرة ثانية ابتسم ورجع للسيارة صعد بيها..

واني رحت للسوك جبت النواقص
ورجعت الصباح حتى اخذ مسك

بس هالمرة افتريت من الفرع الثاني
حتى مافوت من بيت الجلاب..

فتت للصالون شفت يمها زبائن واختها امل واكفة تساعدها لأن اليوم خميس واعراس سلمت عليها وبوستها..