الهاوية

بارت الرابع عشر

نظرت لكل الاشياء بنظرة خاطفة،
عداك إسترحت بالنظر إليك
كمن يستريح بالعودة إلى منزله.

_______

قراءة ممتعة حبايبي
بقلمي&تبارك الشمري
،،،،،،،،،،،،،،،،،،،،،،،،،،،،،،،،،،،

خلود.. بقيت مصدومة حتى فلوس
كروة ماعندي ضاقت الدنيا بيه
يربي شسوي؟؟

بقيت افتر رجعت النفس المكان
الي مشيتة كلة من اول للاخير
اكثر من مرة اخاف واگعات

بس ماكو مالهن اي أثر طلعت
التليفون حرت عليمن اتصل ويساعدني؟

وكفت يمي مرة جبيرة واكفة تاكل
جرك بالحلقوم ذكرت روحي
بعدني كلشي مماكلة باوعت عليه وجها
بشوش تضحك

مدت ايدها تقدملي هزيت راسي لا شكرآ تسلمين خالة..

شافتني متوترة انداريت گعدت عالرصيف خليت جنطتي بالگاع واباوع عالرايح والجاي اندارت عليه واجت وگفت گبالي كالت..

خيرج يمة ضايعة من احد دورين على شي؟

رفعت راسي باوعتلها فركت وجهي بقهر لا خالة
ضاعت فرحتي مني نزلت دموعي بقهر..

ملامحها حزنت وگالت..

ليش يوم ادعي من الامام يبرد گلبج
وترد فرحتج بجاه كل من عندة جاه..

هزيت راسي تسلمين خالة فتحت التليفون
واتصلت على امي ماريد بس مضطرة
وين اروح اول وتالي مرجعي الهم

مفتحت خط حرت اكثر المرة بقت
كاعدة بصفي تسولفلي على جنتها
مايصير عدها جهال صار خمس سنين

وكل اسبوع هنا مسوية نذر مقهورة
عليهم فتحت العلاكة مالتها تشوفني
ماخذة ملابس مال أطفال باوعت عليه
الدمعة بعينها مسحتها بشيلتها وكالت..

شوفي ترست الكنتور هدوم ولد وبنات
حتى قراصات صغت بتوت وحجول
وانتظر بلكت الله 
واهل بيتة يفرحني بحفيد والله لاترس
الدنيا جكليت..

ابتسمت ان شاءالله خالة يصير أحفاد
مو بس حفيد لزمت ايدي طبطب
عليها رفعت ايدها للسما وكالت.

آميييين يارب هو بس هالواحد انشلع گلبي يلا صار
واريد افرح بي..

ابتسمت الها سوالفها حلوة
وتنحب لهناك جابتها عالدكاترة
وشلون ميخافون الله باوعت

عالشارع فات ولد صغير يبيع مي
اخذت من عندة فتحتة قدمتلي شربو
منه شوية واخذتة غسلت وجهة

وشربت هي ضحكت شكد حبابة 
باوعتلي ورجعت تكمل حديثها..

اي وعلي يايمة الدكاترة مگاصيب
كل ماأخذ البت
كوم فلوس يطلبون وعلاج تنطيها
الهسه صارفين عالاطباء فلوس بيت الله وكيلك

وداعتج ماكو دكتور ودكتورة
يفتهم كلهم زمايل حشاج..

ضحكت حيل حتى دموع طلعت
مني هي خلت شيلة على حلگها  مختنكة وياي عالواهس